ନ୍ୟୁୟର୍କରେ ଜିତିଲେ ଭାରତୀୟ ବଂଶୋଦ୍ଭବ କମଲା

ନଭେମ୍ବର ୫ରେ ଆମେରିକାର ରାଷ୍ଟ୍ରପତି ନିର୍ବାଚନର ଫଳାଫଳ ଆସିବା ଆରମ୍ଭ ହୋଇଛି। ପ୍ରାରମ୍ଭିକ ଧାରାରେ, ରିପବ୍ଲିକାନ ପାର୍ଟିର ଡୋନାଲ୍ଡ ଟ୍ରମ୍ପ ୧୭୮ରୁ ଅଧିକ ଆସନରେ ଆଗୁଆ ଅଛନ୍ତି। ଯେତେବେଳେ କି ଡେମୋକ୍ରାଟିକ ପାର୍ଟିର କମଲା ହ୍ୟାରିସ ୯୯ଟି ଆସନରେ ଆଗରେ ଅଛନ୍ତି। ସୂଚନାଯୋଗ୍ୟ, ଆମେରିକାର ୪୭ତମ ରାଷ୍ଟ୍ରପତି ନିର୍ବାଚନ ପାଇଁ ରିପବ୍ଲିକାନ ଡୋନାଲ୍ଡ ଟ୍ରମ୍ପ ଏବଂ ଡେମୋକ୍ରାଟ କମଲା ହାରିସ ମଇଦାନରେ ଅଛନ୍ତି, ଉଭୟଙ୍କ ମଧ୍ୟରେ କଡା ପ୍ରତିଯୋଗିତା ରହିଛି।

ମଙ୍ଗଳବାର ନ୍ୟୁୟର୍କର ରାଷ୍ଟ୍ରପତି ନିର୍ବାଚନରେ କମଲା ହ୍ୟାରିସ ଜିତି ରାଜ୍ୟର ୨୮ଟି ଇଲେକ୍ଟୋରାଲ ଭୋଟ ପାଇଛନ୍ତି। ୧୯୮୪ ନିର୍ବାଚନରେ ରୋନାଲ୍ଡ ରେଗାନଙ୍କ ବଡ଼ ବିଜୟ ପରେ ନ୍ୟୁୟର୍କ ପ୍ରତ୍ୟେକ ରାଷ୍ଟ୍ରପତି ନିର୍ବାଚନରେ ଡେମୋକ୍ରାଟ ପାଇଁ ଭୋଟ ଦେଇଛନ୍ତି। ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜ ହୋମ ଟାଉନରେ ବିଜୟୀ ହେବା ପାଇଁ ସଂଘର୍ଷ କରିଛନ୍ତି, ହ୍ବାଇଟ ହାଉସ ପାଇଁ ତିନୋଟି ପ୍ରୟାସରେ ନ୍ୟୁୟର୍କରୁ ହାରିଛନ୍ତି।