ମିଥ୍ୟା ଦୁଷ୍କର୍ମ ଅଭିଯୋଗରେ ଯୁବକଙ୍କୁ ନ୍ୟାୟ, ଏବେ ଜେଲ ଯିବେ ମହିଳା

ଉତ୍ତରପ୍ରଦେଶର ବରେଲିରୁ ଏକ ଏଭଳି ମାମଲା ସାମ୍ନାକୁ ଆସିଛି ଯାହା କେବଳ ନ୍ୟାୟ ବ୍ୟବସ୍ଥା ଉପରେ ପ୍ରଶ୍ନ ଉଠାଇ ନାହିଁ ବରଂ ଏକ ଐତିହାସିକ ନିଷ୍ପତ୍ତି ମଧ୍ୟ ଦେଇଛି । ମିଥ୍ୟା ଦୁଷ୍କର୍ମ କେସରେ ୪ ବର୍ଷ ଜେଲରେ ରହିବା ପରେ ଯୁବକଙ୍କୁ ନ୍ୟାୟ ମିଳିଛି । ଏହି ଘଟଣା ୨୦୧୯ ରେ ଆରମ୍ଭ ହୋଇଥିଲା, ଯେତେବେଳେ ଅଜୟ ଓରଫ ରାଘବ କହିଥିଲେ ଯେ ସେ ଏକ ସାଂସ୍କୃତିକ କାର୍ଯ୍ୟକ୍ରମ ସଂପର୍କରେ ମିଥ୍ୟା ଦୁଷ୍କର୍ମର ଆରୋପ ଲଗାଇଥିବା ଝିଅର ବଡ଼ ଭଉଣୀଙ୍କ ଘରକୁ ଯାଇଥିଲେ । ସେଠାରୁ ଫେରିବା ପରେ ସେହି ଝିଅ ତାଙ୍କୁ ଅପହରଣ ଓ ଦୁଷ୍କର୍ମର ମିଥ୍ୟା ଅଭିଯୋଗ କରିଥିଲା । ଫଳସ୍ୱରୂପ, ରାଘବଙ୍କୁ ଚାରି ବର୍ଷ ଜେଲ ଦଣ୍ଡ ଭୋଗିବାକୁ ପଡିଲା । ଏହି ମାମଲାର ମହତ୍ତ୍ୱ ଜାଣିବା ପାଇଁ କୋର୍ଟରେ ସାକ୍ଷ୍ୟ ଦିଆଯାଇଥିଲା । ଶୁଣାଣି ସମୟରେ ଝିଅଟି ତାଙ୍କ ସାକ୍ଷ୍ୟ ପ୍ରତ୍ୟାହାର କରିନେଲା ।

ପ୍ରଥମେ ସେ କହିଥିଲେ ଯେ ସେ ଅଶିକ୍ଷିତ, କିନ୍ତୁ ଯେତେବେଳେ ଡକ୍ୟୁମେଣ୍ଟ ଦସ୍ତଖତ କରିବାକୁ ଆସିଲା ସେତେବେଳେ ସେ ଇଂରାଜୀରେ ଦସ୍ତଖତ କରିଥିଲେ । ଏହା ପରେ ଜଜ୍ ବୁଝିପାରିଥିଲେ ଯେ ଝିଅଟି ସମ୍ପୂର୍ଣ୍ଣ ମିଛ କହୁଛି ଏବଂ ଜାଣିଶୁଣି ଯୁବକକୁ ଫାନ୍ଦରେ ପକାଇବାକୁ ଚେଷ୍ଟା କରୁଛି । ଯେତେବେଳେ ସତ୍ୟ ପଦାକୁ ଆସିଲା, କୋର୍ଟ ରାଘବଙ୍କୁ ନିର୍ଦ୍ଦୋଷରେ ଖଲାସ କରି ଝିଅକୁ ଦଣ୍ଡାଦେଶ ଶୁଣାଇଥିଲେ ।

ଆଉ ଝିଅର ଦଣ୍ଡ ହେଉଛି ଯୁବକ ଜଣକ ଯେତିକି ଦିନ ଜେଲରେ ରହିଛନ୍ତି ଝିଅଟି ମଧ୍ୟ ସେତିକି ଦିନ ଜେଲରେ ଦଣ୍ଡ ଭୋଗିବ । କୋର୍ଟ ଏହା ମଧ୍ୟ କହିଛି ଯେ ରାଘବଙ୍କ ବେତନ ପରିମାଣ, ଯାହା ସେ ଜେଲରେ ରହିବା ସମୟରେ ପାଇପାରିନଥିଲେ, ତାହା ମଧ୍ୟ ଝିଅଠାରୁ ଅଣାଯିବ । ଯଦି ଝିଅ ଏହି ରାଶି ପ୍ରଦାନ ନକରେ ତେବେ ତାକୁ ଅତିରିକ୍ତ ୬ ମାସ ଦଣ୍ଡର ସମ୍ମୁଖୀନ ହେବାକୁ ପଡିବ । ଏହି ମାମଲାରେ କୋର୍ଟ ଏକ ଦୃଢ଼ ମନ୍ତବ୍ୟ ଦେଇଛନ୍ତି ଏବଂ କହିଛନ୍ତି ଯେ ଏପରି ମିଥ୍ୟା ଅଭିଯୋଗ ପ୍ରକୃତ ପୀଡିତଙ୍କୁ କ୍ଷତି ପହଞ୍ଚାଉଛି ।

ସମାଜ ପାଇଁ ଏହା ଏକ ଗମ୍ଭୀର ସମସ୍ୟା ଯେ କିଛି ମହିଳା ନିଜର ସ୍ୱାର୍ଥ ଲାଭ ପାଇଁ ନ୍ୟାୟ ବ୍ୟବସ୍ଥାର ଅପବ୍ୟବହାର କରୁଛନ୍ତି । କୋର୍ଟ ଏହା ସ୍ପଷ୍ଟ କରିଛନ୍ତି ଯେ ମହିଳାମାନଙ୍କୁ ଏଭଳି ଛୁଟ ଆଦୌ ଦିଆଯାଇପାରିବ ନାହିଁ, ଯାହା ଏକ ନିର୍ଦୋଷ ପୁରୁଷକୁ କ୍ଷତି ପହଞ୍ଚାଇଥାଏ ।