୧୭୫ ଯୁଦ୍ଧଜାହାଜ ନିର୍ମାଣ କରିବ ଭାରତୀୟ ନୌସେନା

ପଡୋଶୀ ଚୀନକୁ କାଉଣ୍ଟର କରିବାକୁ ଭାରତର ମାଷ୍ଟରପ୍ଲାନ । ଭାରତ ମହାସାଗରୀୟ ଅଞ୍ଚଳରେ ମୁତୟନ ହେବ ୧୭୫ ଯୁଦ୍ଧଜାହାଜ । ୨୦୩୫ ସୁଦ୍ଧା ଏସବୁ ଯୁଦ୍ଧଜାହଜ ମୁତୟନ କରିବାକୁ ଲକ୍ଷ୍ୟ ରଖିଛି ଭାରତୀୟ ନୌସେନା । ଏଥିପାଇଁ ନୌସେନା ପକ୍ଷରୁ ୬୮ ଟି ଯୁଦ୍ଧଜାହାଜ ଏବଂ ଭେସେଲ ଅର୍ଡର କରାଯାଇଛି । ଏଥିପାଇଁ ୨ ଲକ୍ଷ କୋଟି ଟଙ୍କାର ବ୍ୟୟ ଅଟକଳ କରାଯାଇଛି । ଏଥିସହ ୧୩୨ଟି ଯୁଦ୍ଧଜାହାଜ, ୧୪୩ ଯୁଦ୍ଧ ବିମାନ, ୧୩୦ ହେଲିକ୍ୟାପ୍ଟର ଆଣିବାକୁ ଯୋଜନା କରିଛି ଭାରତ । ଏହା ଛଡା ୮ ଟି କ୍ଷୁଦ୍ର ନୌସେନା ଜାହାଜ, ୫ ଟି ସର୍ଭେ ଭେସେଲ ଏବଂ ଦୁଇଟି ବହୁଗୁଣସମ୍ପନ୍ନ ଭେସେଲ ଭାରତ ତିଆରି କରିବାକୁ ଯୋଜନା କରିଛି । ଚୀନକୁ କାଉଣ୍ଟର କରିବାକୁ ବ୍ଲ୍ୟୁ-ୱାଟର ଫୋର୍ସ ଗଢିବାକୁ ଯୋଜନା କରିଛି ।