IIT, NIT, CFTI ଆଡମିସନ ପାଇଁ ନୂଆ ଗାଇଡଲାଇନ୍

IIT, NIT, CFTIରେ ଆଡମିସନ ପାଇଁ ଆସିଲା ନୂଆ ଗାଇଡଲାଇନ । ଦ୍ବାଦଶ ବୋର୍ଡରେ ୭୫ ପ୍ରତିଶତ ନମ୍ବର ରଖିଥିଲେ ମିଳିବ ନାମଲେଖା ପାଇଁ ଅନୁମତି । ଏହାଛଡ଼ା ଦ୍ବାଦଶ ପରୀକ୍ଷାରେ ଟପ୍ ୨୦ରେ ରହିଥିବା ଛାତ୍ରଛାତ୍ରୀ ମଧ୍ୟ ନାମ ଲେଖାଇପାରିବେ । IIT, NIT, CFTIରେ ନାମଲେଖା ପାଇଁ ରଖାଯାଇଥିବା ମାନଦଣ୍ଡରେ ପରିବର୍ତ୍ତନ ଲାଗି ଦୀର୍ଘଦିନ ଧରି ଦାବି ହେଉଥିବା ବେଳେ ଶିକ୍ଷା ମନ୍ତ୍ରଣାଳୟ ଏଥିରେ ସଂଶୋଧନ କରିଛି । JEE ମେନ୍ ରାଙ୍କ ଆଧାରରେ ନାମ ଲେଖାଉଥିବା ଛାତ୍ରଛାତ୍ରୀଙ୍କ ପାଇଁ ଏହି ଯୋଗ୍ୟତା ଭିତ୍ତିକ ସର୍ତ୍ତ ରଖାଯାଇଛି । ସାଧାରଣ ବର୍ଗର ଛାତ୍ରଛାତ୍ରୀଙ୍କ ପାଇଁ ଦ୍ବାଦଶ ବୋର୍ଡରେ ୭୫ ପ୍ରତିଶତ ନମ୍ବର ରଖିବା ବାଧ୍ୟତାମୂଳକ ହୋଇଥିବା ବେଳେ ଅନୁସୂଚିତ ଜାତି/ଜନଜାତି ପିଲାଙ୍କ ପାଇଁ ଏହା ୬୫ ପ୍ରତିଶତ ରହିଛି ।