କୋରିଅର୍ କଣ୍ଟେନରରୁ ଲକ୍ଷ ଲକ୍ଷ ଟଙ୍କାର ଭାଙ୍ଗ ଜବତ

କୋରିଅର୍ କଣ୍ଟେନରରୁ ୬୦ ଲକ୍ଷ ଟଙ୍କାର ଭାଙ୍ଗ ଜବତ । ଓଡ଼ିଶା ଅବକାରୀ ଇତିହାସରେ ପ୍ରଥମ । ଏହି ମାମଲାରେ ବିହାରର ଦୁଇ ଅଭିଯୁକ୍ତ ଗିରଫ । ଏକ କୋରିଅର୍ ପାର୍ସଲ୍ କଣ୍ଟେନରରେ ବିହାର ବେଗୁସରାଇରୁ ଭୁବନେଶ୍ୱର ଆଡ଼କୁ ଚାଲାଣ କରାଯାଉଥିଲା । ଅବକାରୀ ଟିମ୍ ଏହି ଚୋରା କାରବାରରେ ସମ୍ପୃକ୍ତ ଦୁଇ ଅଭିଯୁକ୍ତ ବିହାର ବେଗୁସରାଇର ଅଶୋକ ପାଶ୍ୱାନ ଏବଂ ଯୋଗେନ୍ଦ୍ର ପାଶ୍ୱାନକୁ ଗିରଫ କରିଛି । ବିହାର ବେଗୁସରାଇର ଅଶୋକ ଜଣେ କୁଖ୍ୟାତ ଭାଙ୍ଗ ମାଫିଆ । ବିହାର ବେଗୁସରାଇ ଜିଲ୍ଲାରୁ ୬୦ କୁଇଣ୍ଟାଲ ଭାଙ୍ଗ ଆଣିଥିଲା ଅଶୋକ । କେଜି ପିଛା ୧୦୦ ଟଙ୍କାରେ କିଣିଥିଲା । ତେବେ ଏତେ ପରିମାଣର ଭାଙ୍ଗ ଜବତ ଘଟଣା ଅବକାରୀ ବିଭାଗକୁ ବି ଚକିତ କରିଦେଇଛି ।