ତେଲେଙ୍ଗାନାରୁ କଂଗ୍ରେସର ପ୍ରଚାର ଅଭିଯାନ

ଆଜିଠାରୁ ତେଲଙ୍ଗାନାରେ ଆରମ୍ଭ ହେବ କଂଗ୍ରେସର ପ୍ରଚାର ଅଭିଯାନ । ଯାହାକୁ ଶୁଭାରମ୍ଭ କରିବେ କଂଗ୍ରେସ ନେତ୍ରୀ ସୋନିଆ ଗାନ୍ଧୀ । ଏହି ଅବସରରେ କଂଗ୍ରେସ ଏକ ବିଶାଳ ରାଲିର ଆୟୋଜିନ କରିବ । ମହାରାଲିରେ କଂଗ୍ରେସ ନିଜର ୫ ସୂତ୍ରୀ ଗ୍ୟାରେଣ୍ଟି ଘୋଷଣା କରିବ । ‘ବିଜୟ ଭେରୀ’ ନାମରେ ନାମିତ ଏହି ରାଲିରେ କଂଗ୍ରେସ ଆସନ୍ତା ନିର୍ବାଚନ ଲାଗି ବିଭିନ୍ନ ପ୍ରତିଶ୍ରୁତି ରଖିବ । ଏହାସହ ବିଭିନ୍ନ ମନ୍ଦ ପ୍ରଭାବରୁ ରାଜ୍ୟକୁ ମୁକ୍ତ କରିବା ଲାଗି ଭୂମିପୂଜା ହେବ ବୋଲି ଦଳ କହିଛି । ତେଲଙ୍ଗାନା ପିସିସି ସଭାପତି ରେବନ୍ତ ରେଡ୍ଡୀ କହିଛନ୍ତି- ଚଳିତବର୍ଷ ଶେଷ ବେଳକୁ ରାଜ୍ୟରେ ବିଧାନସଭା ନିର୍ବାଚନ ହେବ । ଏଥିଲାଗି ଦଳ ସମ୍ପୂର୍ଣ୍ଣ ପ୍ରସ୍ତୁତ ହେଉଛି । ତେଲଙ୍ଗାନାରେ ଶାସକ ବିଆରଏସ ଇତିମଧ୍ୟରେ ମୋଟ ୧୧୯ ଆସନରୁ ୧୧୫ ଆସନ ଲାଗି ପ୍ରାର୍ଥୀ ଘୋଷଣା କରି ସାରିଛି ।