ବାଲୋଚିସ୍ତାନରେ ହେଲିକପ୍ଟର୍‌ ଦୁର୍ଘଟଣାଗ୍ରସ୍ତ

ପାକିସ୍ତାନ ସେନା ହେଲିକପ୍ଟର୍‌ ଦୁର୍ଘଟଣାଗ୍ରସ୍ତ । ବାଲୋଚିସ୍ତାନରେ ୨ ଅଧିକାରୀଙ୍କ ସମେତ ୬ଜଣ ସୈନିକ ଏହି ହେଲିକପ୍ଟରରେ ଥିଲେ । ୨ଜଣ ମେଜର୍‌ ଓ ୩ଜଣ ‘ସ୍ପେସାଲ୍‌ ପ୍ରୋଟେକ୍‌ସନ୍‌ ଗ୍ରୁପ୍‌’ କମାଣ୍ଡୋଙ୍କ ସହ ସମୁଦାୟ ୬ଜଣ ଥିବା ପାକିସ୍ତାନ ସେନାର ଏକ ହେଲିକପ୍ଟର୍‌ ବାଲୋଚିସ୍ତାନରେ ଦୁର୍ଘଟଣାଗ୍ରସ୍ତ ହୋଇଛି । ଏନେଇ ସାମ୍ବାଦିକ ମୋନା ଖାଁ ଟୁଇଟ୍‌ କରି ଲେଖିଛନ୍ତି: ଅତି ଦୁର୍ଭାଗ୍ୟଜନକ ଓ ଦୁଃଖଦ ସମାଚାର । ଆଉ ଏକ ହେଲିକପ୍ଟର୍‌ ଦୁର୍ଘଟଣାଗ୍ରସ୍ତ ହୋଇଥିବା ଖବର ବାଲୋଚିସ୍ତାନରୁ ଆସୁଛି । ସେଥିରେ ୨ଜଣ ମେଜର୍‌ ଓ ୩ଜଣ ‘ଏସ୍‌ଏସ୍‌ଜି’ କମାଣ୍ଡୋଙ୍କ ସମେତ ୬ଜଣ ଥିଲେ । ରଏଟର୍ସ ରିପୋର୍ଟ ଅନୁସାରେ, ବାଲୋଚିସ୍ତାନ ପ୍ରଦେଶର ହର୍‌ନାଇ ନିକଟରେ ଉଡ଼ାଣ ଅଭିଯାନ ସମୟରେ ହେଲିକପ୍ଟର୍‌ଟି ଦୁର୍ଘଟଣାଗ୍ରସ୍ତ ହୋଇଥିଲା । ତେବେ ଦୁର୍ଘଟଣାର କାରଣ ବର୍ତ୍ତମାନ ଯାଏଁ ଅସସ୍ପଷ୍ଟ ରହିଛି ।