ବିଳମ୍ବ ହୋଇପାରେ ଚିଲିକାକୁ ବିଦେଶୀ ପକ୍ଷୀମାନଙ୍କ ଆଗମନ

ବିଳମ୍ବ ହୋଇପାରେ ଚିଲିକାକୁ ବିଦେଶୀ ପକ୍ଷୀମାନଙ୍କ ଆଗମନ । ଚିଲିକାରେ ଅକ୍ଟୋବର ପ୍ରଥମ ସପ୍ତାହ ବେଳକୁ ବିଦେଶାଗତ ଅତିଥି ପକ୍ଷୀ ଆସିଯିବା କଥା । କିନ୍ତୁ ଚଳିତ ବର୍ଷ ଏଥିରେ ସାମାନ୍ୟ ବିଳମ୍ବ ହେବାର ସମ୍ଭାବନା ରହିଛି । କାରଣ ମୌସୁମୀ ଫେରିବାରେ ବିଳମ୍ବ ହେଲେ ଚିଲିକାରେ ବିଦେଶୀ ପକ୍ଷୀଙ୍କ ପାଇଁ ବାତାବରଣ ଅନୁକୂଳ ହେବ ନାହିଁ । ପାଣିପାଗ ପୂର୍ବାନୁମାନ ଅନୁସାରେ, ଅକ୍ଟୋବର ଶେଷ ପର୍ଯ୍ୟନ୍ତ ବିଭିନ୍ନ ପର୍ଯ୍ୟାୟରେ ଲଘୁଚାପ ଜାରି ରହିବ । ତେଣୁ ଲଘୁଚାପଜନିତ ବର୍ଷା ଓ ତାହା ପ୍ରଭାବରେ ଚିଲିକା ତାପମାତ୍ରା ବିଦେଶୀ ପକ୍ଷୀଙ୍କ ଆଗମନକୁ ପ୍ରଭାବିତ କରିପାରେ ବୋଲି ସ୍ଥାନୀୟ ପକ୍ଷୀ ବିଶେଷଜ୍ଞମାନେ ଅନୁମାନ କରୁଛନ୍ତି।