ଶରୀରର ହାଡ଼କୁ ମଜଭୁତ ରଖିବା ପାଇଁ ଆମକୁ କ୍ୟାଲସିୟମ୍ ଓ ଭିଟାମିନ୍ ଡି ଆବଶ୍ୟକ ହୋଇଥାଏ। କିନ୍ତୁ ଦିନ ସାରା ଆମେ ବହୁ ଏମିତି ଖାଦ୍ୟ ଖାଇଥାଉ ଯାହା ଦ୍ୱାରା ହାଡ଼ ଦୁର୍ବଳ ହୋଇଯାଏ। ଫୁଡ୍ ଓ ନ୍ୟୁଟ୍ରିସନ୍ ଏକ୍ସପର୍ଟଙ୍କ କହିବା ଅନୁସାରେ ଏମିତି ଅନେକ ଖାଦ୍ୟ ଅଛି ଯାହା କ୍ୟାଲସିୟମ୍ ଓ ଭିଟାମିନ୍ ଡି’କୁ ଶରୀରରେ ଠିକ୍ ଭାବେ ବିଶୋଷିତ କରାଇଦେଇ ନ ଥାଏ। ଏହା ଯୋଗୁଁ ହେଉଥିବା କ୍ୟାଲସିୟମ୍ ଅଭାବକୁ ଶରୀର ହାଡ଼ରୁ ନେଇ ପୂରଣ କରିଥାଏ। ଏହାଦ୍ୱାରା ହାଡ଼ ଦୁର୍ବଳ ହୋଇ ଫ୍ୟାକଚର୍ (ଭାଙ୍ଗିବା) ହେବାର ଆଶଙ୍କା ବଢ଼ିଯାଏ।
ଲୁଣ ଓ ଚିନିଜାତୀୟ ଖାଦ୍ୟ : ଚିନିଜାତୀୟ ଖାଦ୍ୟ ଓ ପାନୀୟରେ ଫସଫରିକ୍ ଏସିଡ୍ ଭଳି ରାସାୟନିକ ପଦାର୍ଥ ବହୁ ମାତ୍ରାରେ ଥାଏ। ଏହାକୁ ଅଧିକ ମାତ୍ରାରେ ଖାଇଲେ ହାଡ଼ ଦୁର୍ବଳ ହୋଇଯାଏ। ଏମିତିରେ ହାଡ଼ ଭାଙ୍ଗିବା ସମସ୍ୟା ବଢ଼ିପାରେ। ଆପଣ ଜାଣନ୍ତି ଯେ ଅତ୍ୟଧିକ ଲୁଣା ଖାଇଲେ ବି ହାଡ଼ ଦୁର୍ବଳ ହୋଇଥାଏ।
ନମକିନ୍ ଓ ଚିପ୍ସ୍ : ନମ୍କିନ୍ (ଖଟାମିଠା), ଚିପ୍ସ୍ ଭଳି ସ୍ନାକ୍ସରେ ସୋଡିୟମର ମାତ୍ରା ବହୁ ଅଧିକ ଥାଏ। ଏହାକୁ ଅଧିକ ଖାଇଲେ ଶରୀରକୁ ଉପଯୁକ୍ତ ନ୍ୟୁଟ୍ରିଏଣ୍ଟ୍ସ ମିଳେନାହିଁ। ଯାହାକି ହାଡ଼କୁ ମଜବୁତ୍ କରିବାକୁ ଜରୁରୀ ହୋଇଥାଏ।
ସୋଡା: ସୋଡା ଆମ ଶରୀର ଅସ୍ଥିରେ ଥିବା ଲବଣ ସାନ୍ଦ୍ରତା ହ୍ରାସ କରିଥାଏ। ଆମେ ଯେତେ ଅଧିକ କୋଲା ପିଇଥାଉ ଆମର ଅସ୍ଥିର ଲବଣ ସାନ୍ଦ୍ରତା ସେତେ ପରିମାଣରେ ହ୍ରାସ ପାଇଥାଏ।
କ୍ୟାଫିନ୍: କ୍ୟାଫିନ୍ ସ୍ୱାସ୍ଥ୍ୟ ପାଇଁ ଖରାପ ନୁହେଁ କିନ୍ତୁ ଅତ୍ୟଧିକ କ୍ୟାଫିନ୍ କେବେ ଭଲ ନୁହେଁ। ଏକ ଅଧ୍ୟୟନ ଅନୁଯାୟୀ, ଅତ୍ୟଧିକ କ୍ୟାଫିନ୍ ଖାଇବା ଦ୍ୱାରା ହାଡର ଘନତା ମେନୋପୋଜ ହୋଇଥିବା ମହିଳାଙ୍କ ଅସ୍ଥକୁ ଦୁର୍ବଳ କରିପାରେ।
ପ୍ୟାକେଟ୍ ଖାଦ୍ୟ : ପ୍ୟାକେଟରେ ଆସୁଥିବା ତିଆରି ହୋଇଥିବା ଖାଦ୍ୟରେ ସୋଡିୟମର ମାତ୍ରା ଅଧିକ ରହିଥାଏ। ଏହା ଶରୀରରେ କ୍ୟାଲସିୟମ୍ର ମାତ୍ରା କମ୍ କରିଥାଏ। ଏହାଯୋଗୁଁ ହାଡ଼ ଦୁର୍ବଳ ହୋଇଥାଏ।
ଜଙ୍କ୍ ଫୁଡ୍ : ବର୍ଗର, ପିଜ୍ଜା, ପାସ୍ତା ଆଦି ଜଙ୍କ୍ ଫୁଡ୍ରେ ସୋଡିୟମ୍ ଅନେକ ମାତ୍ରାରେ ଥାଏ। ଏହା ମଧ୍ୟ ଶରୀରରେ କ୍ୟାଲ୍ସିୟମ୍ର ମାତ୍ରାକୁ କମ୍ କରିଥାଏ, ଯାହାଦ୍ୱାରା ହାଡ଼ ଦୁର୍ବଳ ହୋଇଥାଏ। ଆପଣଙ୍କ ଶରୀରର ହାଡ଼ ନଷ୍ଟ ହେବାର ବିପଦକୁ ବଢ଼ାଇଥାଏ ଏହି ୫ଟି ଖାଦ୍ୟ, ଆପଣ ଖାଉ ନାହାନ୍ତି ତ?
More Stories
ପିଲାଙ୍କ ଉପରେ ସ୍ମାର୍ଟ ଫୋନର ମାରାତ୍ମକ ପ୍ରଭାବ..
ଦହିର ଚମତ୍କାରୀ ଦୁଣ..
ଲେଟ୍ ନାଇଟ୍ ଡିନର୍ ଉପୁଯାଏ ଏହି ସମସ୍ୟା..