A man spent 84 years in one company.

୮୪ ବର୍ଷର ବୃତ୍ତି ଜୀବନ
ବର୍ତ୍ତମାନ ସମୟରେ ଗୋଟିଏ କମ୍ପାନୀରେ ଅଧିକ ଦିନ କାର୍ଯ୍ୟକରିବା କଷ୍ଟକର ହୋଇପଡୁଛି । ଗୋଟିଏ ସ୍ଥାନରେ ଅଧିକ ଦିନ କାମ କଲେ ବିଭିନ୍ନ ପ୍ରକାରର ସମସ୍ୟା ଦେଖା ଦେଇଥାଏ, ତେଣୁ ଅନେକ ଲୋକ ବିଭିନ୍ନ ସମୟରେ ଚାକିରି ବଦଳାଉଥିବାର ନଜିର ରହିଛି । ହେଲେ ବ୍ରାଜିଲର ଜଣେ ବ୍ୟକ୍ତି ଗୋଟିଏ କମ୍ପାନୀରେ ୮୪ବର୍ଷ ଚାକିରି କରି ଗିନିଜ୍‌ ରେକର୍ଡ ସୃଷ୍ଟି କରିଛନ୍ତି । ୧୦୦ବର୍ଷୀୟ ୱାଲଫର ଅର୍ଥମ୍ୟାନ୍‌ ସବୁଠାରୁ ଅଧିକା ଅଫିସିଆଲ କ୍ୟାରିୟର ପାଇଁ ଏହି ରେକର୍ଡ ନିଜ ନାମରେ ସାମିଲ କରିଛନ୍ତି । ମାତ୍ର ୧୫ ବର୍ଷରୁ ସେ ନିଜର କ୍ୟାରିୟର ଆରମ୍ଭ କରିଥିଲେ । ତାଙ୍କର ପିଲାଦିନ ବେଶ୍‌ ସଂଘର୍ଷପୂର୍ଣ୍ଣ ରହିଥିଲା, ଯାହା ଫଳରେ ତାଙ୍କୁ ଏତେ କମ ବୟସରୁ ଚାକିରି କରିବାକୁ ପଡିଥିଲା । ସେଲସ ମ୍ୟାନରୁ ନିଜର ଚାକିରି ଆରମ୍ଭ କରିଥିବା ୱାଲଫର ଚାକିରିରେ ଅନେକଥର ପଦୋନ୍ନତି ପାଇଛନ୍ତି । ୱାଲଫରଙ୍କ କାହାଣୀ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଲୋକମାନେ ତାଙ୍କର କମ୍ପାନୀପାଇଁ ଥିବା ଆନ୍ତରିକତାର ପ୍ରଂଶସା କରୁଛନ୍ତି ।