ଗୋଲ୍ଡେନ ଗ୍ଲୋବ-୨୦୨୩ରେ RRRର ଜଲଓ୍ବା

ବେଷ୍ଟ ଅରିଜିନାଲ ସଙ୍ଗ୍ ଆଓ୍ବାର୍ଡ ପାଇଲା ନାଟୁ ନାଟୁ ।  ଗୋଲ୍ଡେନ ଗ୍ଲୋବ-୨୦୨୩ରେ RRRର ଜଲଓ୍ବା । ବକ୍ସ ଅଫିସରେ ସୁପର ଡୁପର ହୋଇଥିବା ରାଜମୌଲିଙ୍କ ଏହି ଫିଲ୍ମ ପୂରା ବିଶ୍ବରେ ପ୍ରଶଂସା ସାଉଣ୍ଟିଛି । ଆମେରିକାରେ ଚାଲିଥିବା ଗୋଲ୍ଡେନ ଗ୍ଲୋବର ୮୦ ତମ ସଂସ୍କରଣରେ ନାଟୁ ନାଟୁକୁ ବେଷ୍ଟ ଅରିଜିନାଲ ସଙ୍ଗ ଆଓ୍ବାର୍ଡ ମିଳିଛି । ଲିଜେଣ୍ଡେରୀ ମ୍ୟୁଜିକ କମ୍ପୋଜର ଏମଏମ କେରାବନୀ ଷ୍ଟେଜ ଉପରେ ଏହି ପୁରସ୍କାର ଗ୍ରହଣ କରିଥିଲେ । ଆଓ୍ବାର୍ଡ ସେରେମନିରେ RRR ଷ୍ଟାର କାଷ୍ଟ ଜୁନିଅର ଏନଟିଆର, ରାମଚରଣ ଓ ଫିଲ୍ମ ନିର୍ଦ୍ଦେଶକ ଏସ ଏସ୍ ରାଜମୌଲୀ ସାମିଲ ହୋଇଥିଲେ । ତେବେ ଏହି ଆଓ୍ବାର୍ଡ ଜିତିବା ପରେ RRR ଫିଲ୍ମ ନିର୍ଦ୍ଦେଶକ, ଷ୍ଟାରକାଷ୍ଟ ଓ ମ୍ୟୁଜିକ କମ୍ପୋଜରଙ୍କୁ ସୋସିଆଲ ମିଡିଆରେ ପ୍ରଶଂସକଙ୍କ ଶୁଭେଚ୍ଛାର ସୁଅ ଛୁଟିଛି ।