ନିଶାସକ୍ତ ଅବସ୍ଥାରେ ଯାତ୍ରୀଙ୍କ ହଙ୍ଗାମା

ଏୟାର ଇଣ୍ଡିଆ ପରେ ଇଣ୍ଡିଗୋରେ ହଙ୍ଗାମା । ଇଣ୍ଡିଗୋ ବିମାନରେ ନିଶାସକ୍ତ ଅବସ୍ଥାରେ ହଙ୍ଗାମା କରିଛନ୍ତି ଯାତ୍ରୀ । ସୂଚନା ଅନୁସାରେ, ଦିଲ୍ଲୀରୁ ପାଟଣା ଅଭିମୁଖେ ଯାଉଥିଲା ଫ୍ଲାଇଟ୍ । ନିଶାସକ୍ତ ଅବସ୍ଥାରେ ୩ ଯାତ୍ରୀ ଦିଲ୍ଲୀ ଏୟାରପୋର୍ଟରୁ ଚଢିଥିଲେ। ମଝି ଆକାଶରେ ବି ସେମାନେ ମଦ୍ୟପାନ କରିବାକୁ ଚେଷ୍ଟା କରିଥିଲେ । ଏୟାରହଷ୍ଟେସ ଓ ପାଇଲଟଙ୍କୁ ମଧ୍ୟ ସେମାନେ ଦୁର୍ବ୍ୟବହାର ଦେଖାଇଥିଲେ । ପରେ ରାତି ୯ଟାରେ ପାଟଣା ଏୟାରପୋର୍ଟରେ ଫ୍ଲାଇଟ୍ ପହଞ୍ଚିବା ପରେ ଦୁଇ ଜଣଙ୍କୁ ସିଆଇଏସଏଫ ହେପାଜତରେ ନେଇଥିଲା । ସେଠାରୁ ସେମାନଙ୍କୁ ପାଟଣା ପୋଲିସକୁ ହସ୍ତାନ୍ତର କରାଯାଇଥିଲା । ନିଶାସକ୍ତ ଯାତ୍ରୀଙ୍କୁ ଗିରଫ କରାଯାଇଥିବା ନେଇ ସ୍ପଷ୍ଟ କରିଛନ୍ତି ଏୟାରପୋର୍ଟରେ ମୁତୟନ ଥିବା ଏସଏଚଓ ରବର୍ଟ ପିଟର୍ । ଏହାସହ ଦୁଇ ଅଭିଯୁକ୍ତଙ୍କ ନାମ ରୋହିତ କୁମାର ଓ ନିତିନ ହୋଇ ଥିବାବେଳେ ଦୁହିଁଙ୍କୁ କୋର୍ଟରେ ହାଜର କରାଯିବା ନେଇ ସୂଚନା ରହିଛି ।