ସ୍ବାମୀ କୈଳାଶନନ୍ଦଙ୍କୁ ହତ୍ୟା ଉଦ୍ୟମ ଘଟଣା

ନିରଞ୍ଜନୀ ଆଖଡାର ଆଚାର୍ଯ୍ୟ ମହାମଣ୍ଡଳେଶ୍ୱର ସ୍ୱାମୀ କୈଳାଶନନ୍ଦଙ୍କ ସମେତ କିଛି ସନ୍ଥଙ୍କୁ ବିଷ ଦେଇ ହତ୍ୟା ଉଦ୍ୟମ ଘଟଣା । ସାମ୍ନାକୁ ଆସିଲା ଆଉ ଏକ ସତ । ଜଣଙ୍କୁ ଗିରଫ କରି ପଚରାଉଚରା କରୁଛି ପୋଲିସ । ଏହି ଯୋଜନାକୁ ପଣ୍ଡ କରିଛନ୍ତି ପ୍ରୟାଗରାଜ ପୋଲିସ ସହ ଏସଟିଏଫ ଟିମ୍ । ଏହି ଯୋଜନାରେ ସାମିଲ ଥିବା କିଛି ବ୍ୟକ୍ତିଙ୍କ ମଧ୍ୟରୁ ଜଣଙ୍କୁ ଗିରଫ କରାଯାଇଛି । ତାଙ୍କୁ ଏବେ ପୋଲିସ ଓ ଏସଟିଏଫ ଟିମ୍ ପଚରା ଉଚରା କରୁଛି । ପ୍ରୟାଗରାଜରେ ରହୁଥିବା ମହିଳା ସନ୍ଥ ତ୍ରିକାଳ ଭୱନ୍ତଙ୍କ ଆଶ୍ରମରେ ବିକ୍ରମ ସିଂ ଓରଫ ଯୋଗେନ୍ଦ୍ର ଶର୍ମା ନାମକ ଜଣେ ଯୁବକ ପହଂଚିଥିଲେ । ସେ ମହିଳା ସନ୍ଥ ତ୍ରିକାଳ ଭୱନ୍ତଙ୍କୁ କହିଥିଲେ କି ଜାନୁଆରୀ ପହିଲାରେ ହରିଦ୍ୱାରର ନିରଞ୍ଜନୀ ଆଖଡାର ଆଚାର୍ଯ୍ୟ ସ୍ୱାମୀ କୈଳାଶନନ୍ଦଙ୍କ ସମ୍ମାନରେ ହେବାକୁ ଯାଉଥିବା ସମାରୋହରେ ଭୋଜନର ଆୟୋଜନ କରାଯାଇଛି । ସେଠାରେ ଭୋଜନରେ ବିଷଦେଇ ସ୍ୱାମୀ କୈଳାଶନନ୍ଦଙ୍କ ସମେତ ଅନେକ ସନ୍ଥଙ୍କୁ ହତ୍ୟା କରାଯିବାର ଯୋଜନା ହୋଇଛି ।