ବଳପୂର୍ବକ ନିଆଯାଉଛି କ୍ବାରେଣ୍ଟାଇନ ସେଣ୍ଟର

ଚୀନରେ ଅଜବ ଜିରୋ କୋଭିଡ ପଲିସି । ଏହାକୁ ନେଇ ଜନସାଧାରଣ ଓ ସରକାର ମଧ୍ୟରେ ମୁହାଁମୁହିଁ ପରିସ୍ଥିତି ଲାଗିରହିଛି । ରାଷ୍ଟ୍ରପତି ସି ଜିନପିଙ୍ଗଙ୍କ ବିରୋଧରେ ଜୋରଦାର ବିରୋଧ ପ୍ରଦର୍ଶନ କରାଯାଉଛି । ଏହାରି ଭିତରେ ଏକ ଭିଡିଓ ଭାଇରାଲ ହେବାରେ ଲାଗିଛି ।  କିପରି ଜଣେ ବ୍ୟକ୍ତିଙ୍କୁ ଦୁଇ ଜଣ ସ୍ୱାସ୍ଥ୍ୟକର୍ମୀ ଜୋରଜବରଦସ୍ତ ଟାଣିଓଟାରି ନେବାକୁ ଚେଷ୍ଟା ଚଳାଇଛନ୍ତି । ଏଭଳି ଘଟଣା ଦକ୍ଷିଣ ଚୀନର ହାଙ୍ଗଝୋଓ ସହରରେ ଦେଖିବାକୁ ମିଳିଛି । ସମ୍ପୃକ୍ତ ବ୍ୟକ୍ତି ଜଣକ ସଙ୍ଗରୋଧ କେନ୍ଦ୍ରକୁ ଯିବାକୁ ମନା କରିଦେବାରୁ ପିପିଇ କିଟ ପିନ୍ଧି ଆସିଥିବା ଦୁଇ ଜଣ ସ୍ୱାସ୍ଥ୍ୟକର୍ମୀ ବ୍ୟକ୍ତି ଜଣକୁ ତାଙ୍କ ଘରୁ ଜୋରଜବରଦସ୍ତ ସଙ୍ଗରୋଧ କେନ୍ଦ୍ରକୁ ନେଇ ଯାଉଛନ୍ତି । ଏପରିକି ତାଙ୍କୁ କିଛି ସମୟ ଦେବା ପାଇଁ ଜଣେ ସମ୍ପର୍କୀୟ କହିବା ପରେ ମଧ୍ୟ କିଛି ଶୁଣୁନାହାନ୍ତି ସ୍ୱାସ୍ଥ୍ୟକର୍ମୀ । ତେବେ ଏହି ଘଟଣା ପାଇଁ ପରେ ହାଙ୍ଗଝୋଓ ପ୍ରଶାସନ ପକ୍ଷରୁ କ୍ଷମା ପ୍ରାର୍ଥନା କରାଯାଇଥିଲା । ଚୀନରେ କୋଭିଡ ସଂକ୍ରମଣ ବଢୁଥିବା ଯୋଗୁଁ ଜିରୋ କୋଭିଡ ପଲିସି ଆପଣାଇଛି ପ୍ରଶାସନ ।