ପିଶାଚୀ ପାଲଟିଲା ସ୍ତ୍ରୀ, ପୁଅ ସହ ମିଶି ସ୍ବାମୀକୁ କଲା ନିର୍ମମ ହତ୍ୟା

ଶ୍ରଦ୍ଧା ୱାଲକର ହତ୍ୟା କାଣ୍ଡ ପରେ ଦିଲ୍ଲୀରେ ପୁଣି ଚାଞ୍ଚଲ୍ୟ । ସମାନ ଢଙ୍ଗରେ ସାମନାକୁ ଆସିଛି ଆଉ ଏକ ହତ୍ୟା । ପୁଅ ସହ ମିଶି ସ୍ୱାମୀଙ୍କୁ ନିର୍ମମ ହତ୍ୟା ସହ ୨୨ ଖଣ୍ଡ କରି ଫ୍ରିଜରେ ରଖିଥିଲେ ମହିଳା । ଅଫତାବ ଭଳି ସେମାନେ ତାଙ୍କୁ ହତ୍ୟା କରିବା ପରେ ଶରୀରକୁ ୨୨ ଖଣ୍ଡ କରି ଫ୍ରିଜରେ ରଖିବା ଘଟଣାର ଖୁଲାସା କରିଛି ଦିଲ୍ଲୀ ପୁଲିସ କ୍ରାଇମବ୍ରାଞ୍ଚ । ସ୍ୱାମୀଙ୍କ ଅନୈତିକ ସମ୍ପର୍କକୁ ନେଇ ମା, ପୁଅ ଏଭଳି ନୃଶଂସ କାମ କରିବାକୁ ପଛାଇ ନାହାଁନ୍ତି । ହତ୍ୟା ପରେ ଶରୀରକୁ ଖଣ୍ଡ ଖଣ୍ଡ କରି ଦିଲ୍ଲୀରେ ବିଭନ୍ନ ସ୍ଥାନରେ ମାଟି ତଳେ ପୋତି ଦେଇଥିବା ପୁଲିସ କହିଛି । ଜୁନ୍ ମାସରେ ହୋଇଥିବା ଏହି ହତ୍ୟାକାଣ୍ଡର ୫ ମାସ ପରେ ଖୁଲାସା ହୋଇଛି । ଏହି ଘଟଣାକୁ ନେଇ ସାମ୍ନାକୁ ମଧ୍ୟ ଆସିଛି କିଛି ସିସିଟିଭି ଫୁଟେଜ । ଯେଉଁଥିରେ ପୁଅ ଦୀପକ ବାପାର ଶରୀର ଖଣ୍ଡକୁ ନେଇ ଫୋପାଡ଼ିବାର ଦୃଶ୍ୟ ଦେଖିବାକୁ ମିଳିଛି । ହତ୍ୟା ପୂର୍ବରୁ  ସ୍ୱାମୀକୁ ନିଦ ବଟିକା ଦେଇଥିଲେ । ସ୍ୱାମୀ ଅଞ୍ଜନ ଦାସଙ୍କର ଅନୈତିକ ସମ୍ପର୍କକୁ ନେଇ ପତ୍ନୀ ପୁନମ ଜାଣିବାକୁ ପାଇଥିଲେ । ବହୁବାର ସ୍ୱାମୀଙ୍କୁ ବୁଝାଇବାକୁ ଚେଷ୍ଟା କରି ବିଫଳ ହେବାରୁ ଶେଷରେ ଏପରି  ନିଷ୍ପତ୍ତି ନେଇଥଲେ ।