କଂସ ଭୂମିକାରେ ଅଭିନୟ କରିବା ପାଇଁ ଲାଗିଛି କଳାକାରଙ୍କ ଭିଡ଼

କଂସଙ୍କ  ଅଟ୍ଟହାସ୍ୟରେ ଉଠିବ ପଡିବ ମଞ୍ଚ । ଆସନ୍ତା ଡିସେମ୍ବର ୨୭ରୁ ବରଗଡ଼ର ବିଶ୍ବ ପ୍ରସିଦ୍ଧ ଧନୁଯାତ୍ରା । ଜାନୁଆରୀ ୬ ତାରିଖ ପର୍ଯ୍ୟନ୍ତ କମ୍ପିବ ବରଗଡ଼ । ଏଥିପାଇଁ ଏବେଠୁ ଲୋକଙ୍କ ମନରେ ଉତ୍ସାହ । ଧନୁଯାତ୍ରାରେ ବିଭିନ୍ନ ଭୂମିକାରେ ଅଭିନୟ କରିବା ପାଇଁ ଆଜି ଫର୍ମ ପୂରଣ ହୋଇଛି । ବିଶ୍ବ ପ୍ରସିଦ୍ଧ ଧନୁଯାତ୍ରାରେ କଂସ ଭୂମିକାରେ ଅଭିନୟ କରିବା ପାଇଁ ଲାଗିଛି କଳାକାରଙ୍କ ଭିଡ଼ ।  ମହାରାଜ କଂସ ଭୂମିକାରେ ଅଭିନୟ ପାଇଁ 13 ଜଣ ଆବେଦନ କରିଥିବା ବେଳେ ପୂର୍ବତନ କଂସ ହୃଷୀକେଶ ଭୋଇ, ଗୋପାଳ ସାହୁ ବି ଫର୍ମ ଦାଖଲ କରିଛନ୍ତି । ଏହି ଦୁଇ ଜଣଙ୍କୁ ବାଦ ଦେଲେ କଂସ ଭୂମିକାରେ ଅଭିନୟ କରିବା ପାଇଁ ଭୁବନେଶ୍ବର ପ୍ରଧାନ ଫର୍ମ ଦାଖଲ କରିବେ ବୋଲି ଜଣାପଡିଛି । ସେପଟେ ମହାମନ୍ତ୍ରୀ ପାଇଁ ୩ ଜଣ, ମହାମନ୍ତ୍ରୀ ସାତ୍ୟକୀ ପାଇଁ ୪ ଜଣ, ଚାଣୁର ପାଇଁ ୫ ଜଣ, ମୁଷ୍ଟିକ ପାଇ ୨ ଜଣ, ଅକ୍ରୁର ପାଇଁ ୪ଜଣ, ଉଗ୍ରସେନ ପାଇଁ ୨ ଜଣ, ବସୁଦେବ ଚରିତ୍ର ପାଇଁ ୩ ଜଣ, ନାରଦ ଚରିତ୍ର ପାଇଁ ୪ ଜଣ ଫର୍ମ ଦାଖଲ କରିଛନ୍ତି ।