ତାରିଖରେ ସଭାପତି ଭାବେ ଶପଥ ଗ୍ରହଣ କରିବେ ଖଡଗେ

କଂଗ୍ରେସର ନୂଆ ସଭାପତି ଭାବେ ନିର୍ବାଚିତ ହୋଇଛନ୍ତି ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ । କଂଗ୍ରେସ ସଭାପତି ନିର୍ବାଚନରେ ଶଶୀ ଥରୁରଙ୍କୁ ମାତ ଦେଇ ସେ ନିଜ ନାମରେ ଏହି ପଦ କରିପାରିଛନ୍ତି । ତେବେ ଆସନ୍ତା ଅକ୍ଟୋବର ୨୬ ତାରିଖରେ ଖଡଗେ ସଭାପତି ଭାବେ ଶପଥ ଗ୍ରହଣ କରିବାର କାର୍ଯ୍ୟକ୍ରମ ରହିଛି । ଏହା ପୂର୍ବରୁ ଆଜି ଖଡଗେ ସୋନିଆ ଗାନ୍ଧୀଙ୍କୁ ଭେଟି ଦଳର ଆଗାମୀ କାର୍ଯ୍ୟପନ୍ଥା ଉପରେ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଗତ ୧୭ ତାରିଖରେ କଂଗ୍ରେସ ସଭାପତି ପଦ ପାଇଁ ଭୋଟ ଗ୍ରହଣ ହୋଇଥିଲା । ଆଉ ଖଡଗେଙ୍କ ପଛରେ ଗାନ୍ଧୀ ପରିବାରର ହାତ ରହିଥିବାରୁ ସେ ଜିତିବା ଏକପ୍ରକାର ନିଶ୍ଚିତ ହୋଇସାରିଥିଲା । ଆଉ କଂଗ୍ରେସର ନୂଆ ସଭାପତି ହେବା ପରେ ଦଳରେ ରାହୁଲଙ୍କ ଭୂମିକା କଣ ରହିବ ? ଏନେଇ ସାମ୍ବାଦିକଙ୍କ ଏକ ପ୍ରଶ୍ନର ଉତର ଦେଇ ରାହୁଲ ଗାନ୍ଧୀ କହିଛନ୍ତି, କଂଗ୍ରେସରେ ତାଙ୍କର ଭୂମିକା କଣ ହେବ ତାହା ଅଧ୍ୟକ୍ଷଙ୍କ ଦ୍ୱାରା ସ୍ଥିର ହେବ । ତେବେ ଖଡଗେଙ୍କ ଆଗରେ ବିଶାଳ ଚାଲେଞ୍ଜ ରହିଛି ।