ସିନ୍ଦେଙ୍କ ସହ ହାତ ମିଳାଇଲେ ନିହାର ଠାକରେ

ମହାରାଷ୍ଟ୍ର ରାଜନୀତିରେ ରୋଚକ ଦୃଶ୍ୟ । ସିନ୍ଦେଙ୍କ ସହ ହାତ ମିଳାଇଲେ ବାଲାସାହେବ ଠାକରେଙ୍କ ନାତି । ଶିବସେନାର ସଂସ୍ଥାପକ ବାଲା ସାହେବ ଠାକରେଙ୍କ ନାତି ନିହାର ଠାକରେ ଆଜି ସିନ୍ଦେଙ୍କ ସହ ହାତ ମିଳାଇଛନ୍ତି । ଏହି ଅବସରରେ ନିହାର କହିଛନ୍ତି କି ମୁଁ ଶିବସେନାର ଏକନାଥ ସିନ୍ଦେଙ୍କ ଗ୍ରୁପକୁ ସମର୍ଥନ କରୁଛି । ଏହାସହ ଆଗାମୀ ଅନେ୍ଧରୀ ପୂର୍ବ ବିଧାନସଭା ଉପ ନିର୍ବାଚନ ଓ ମୁମ୍ବାଇ ନଗର ନିଗମ ନିର୍ବାଚନରେ ସିନ୍ଦେ ଗ୍ରୁପ ପାଇଁ ପ୍ରଚାର କରିବି ବୋଲି ସେ କହିଛନ୍ତି । ଏହାସହ ନିର୍ବାଚନ ରାଜନୀତିରେ ଯୋଗ ଦେବେ କି ନାହିଁ ବୋଲି ଗଣମାଧ୍ୟମର ପ୍ରଶ୍ନକୁ ସେ ସମ୍ପୂର୍ଣ୍ଣ ଏଡାଇ ଯାଇ ନାହାଁନ୍ତି । ତେବେ ଅନେ୍ଧରୀ ପୂର୍ବ ବିଧାନସଭା ଆସନ ପାଇଁ ନଭେମ୍ବର ୩ ତାରିଖରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏଥିରେ ସନ୍ଦେଙ୍କ ସମର୍ଥନରେ ମୁର୍ଜି ପଟେଲ ପ୍ରାର୍ଥୀ ହୋଇଛନ୍ତି । ଯାହାକୁ ବିଜେପି ମଧ୍ୟ ସମର୍ଥନ କରିଛି । ସେପଟେ ଉଦ୍ଧବ ଠାକରେଙ୍କ ସମର୍ଥନରେ ରୁତୁଜା ଲଟକେ ପ୍ରାର୍ଥୀ ହୋଇଛନ୍ତି ।