ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ

ଭିଜିଲାନ୍ସ ଜାଲରେ କନିଷ୍ଠ କିରାଣୀ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢାଉ । କେନ୍ଦୁଝର ଜିଲ୍ଲା ବାଂଶପାଳ ବ୍ଲକ BEO କାର୍ଯ୍ୟାଳୟର କନିଷ୍ଠ କିରାଣୀ ଗଙ୍ଗାଧର ସାହୁଙ୍କ ଘରେ ଭିଜିଲାନ୍ସ ଚଢ଼ାଉ । ବାସଭବନ ସମେତ ଏକାଳୀନ ୫ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ । କେନ୍ଦୁଝରରେ ଥିବା ସରକାରୀ କ୍ବାର୍ଟର୍ସ, ଅଫିସ, ଭାଲୁକିପାଟଣାରେ ଥିବା ୩ ମହଲା କୋଠା, ତାଳପଦାରେ ଥିବା ପୈତୃକ ଘର, ତେଲକୋଇରେ ଥିବା ଶ୍ବଶୁର ଘରେ ଭିଜିଲାନ୍ସ ଚଢ଼ାଉ କରିଛି । ଚଢ଼ାଉରେ ୩ ଡିଏସପି, ୭ ଇନସ୍ପେକ୍ଟର, ୨ ଜଣ ଏଏସଆଇ ଓ ୯ କନଷ୍ଟେବଳ ସାମିଲ ହୋଇଛନ୍ତି । ତାଙ୍କର କେତେ ସ୍ଥାବର, ଅସ୍ଥାବର ସମ୍ପତ୍ତି, ବ୍ୟାଙ୍କ ଜମା, ସ୍ଵର୍ଣ୍ଣ ଅଳଙ୍କାର ତଥା ଅନ୍ୟାନ୍ୟ ସମ୍ପତ୍ତି ଆଦି ରହିଛି, ସେ ସମ୍ପର୍କରେ ଖୋଳତାଡ ଚାଲିଛି ।