ଆଜି କଂଗ୍ରେସ ପକ୍ଷରୁ ପ୍ରକାଶ ପାଇବ ବିଜ୍ଞପ୍ତି

ଏଆଇସିସି ସଭାପତି ନିର୍ବାଚନ ନେଇ ଆଜି କଂଗ୍ରେସ ପକ୍ଷରୁ ପ୍ରକାଶ ପାଇବ ବିଜ୍ଞପ୍ତି । ପରେ ଆସନ୍ତା ୨୪ରୁ ୩୦ ତାରିଖ ଯାଏଁ ଚାଲିବ ପ୍ରାର୍ଥିପତ୍ର ଦାଖଲ ପ୍ରକ୍ରିୟା । ୧ ଅକ୍ଟୋବରରେ ପ୍ରାର୍ଥିପତ୍ର ଯାଞ୍ଚ ହେବ । ୮ ଅକ୍ଟୋବର ପ୍ରାର୍ଥିପତ୍ର ପ୍ରତ୍ୟାହାର ତାରିଖ ରଖାଯାଇଥିବା ବେଳେ, ୧୭ ଅକ୍ଟୋବରରେ ହେବ ନିର୍ବାଚନ । ୧୯ ଅକ୍ଟୋବରରେ ଘୋଷିତ ହେବ ଫଳାଫଳ । ସେପଟେ କିଏ ହେବେ କଂଗ୍ରେସର ପରବର୍ତ୍ତୀ ଅଧ୍ୟକ୍ଷ ତାହାକୁ ନେଇ ଜାରି ରହିଛି ସସପେନ୍ସ । ରେସରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ସର୍ବାଗ୍ରେ ଥିବା ବେଳେ, ଦିଗବିଜୟ ସିଂ ବି ନିର୍ବାଚନ ଲଢିବା ନେଇ ସୂଚନା ରହିଛି । ପ୍ରଥମେ ଶଶୀ ଥରୁର କଂଗ୍ରେସ ନେତ୍ରୀ ସୋନିଆ ଗାନ୍ଧିଙ୍କଠାରୁ ଗ୍ରୀନ ସିଗନାଲ ପାଇଥିବା ଚର୍ଚ୍ଚା ହୋଇଥିଲା । ତେଣେ ସଚିନ ପାଇଲଟଙ୍କ ସ୍ଥିତି କୁଆଡକୁ ଯାଉଛି ତାହାକୁ ନେଇ ବଢୁଛି ସସପେନ୍ସ ।