ଲଣ୍ଡନ ଗସ୍ତରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ

ରାଣୀଙ୍କ ଅନ୍ତ୍ୟେଷ୍ଟିରେ ଯୋଗ ଦେବେ ରାଷ୍ଟ୍ରପତି । ମହାରାଣୀ ଏଲିଜାବେଥ ଦ୍ବିତୀୟଙ୍କର ଅନ୍ତ୍ୟେଷ୍ଟିରେ ଯୋଗ ଦେବାପାଇଁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜିଠାରୁ ଲଣ୍ଡନ ଗସ୍ତରେ ଯାଇଛନ୍ତି । ଆସନ୍ତା ୧୯ ତାରିଖରେ ରାଣୀଙ୍କ ରାଜକୀୟ ଅନ୍ତ୍ୟେଷ୍ଟି ସମ୍ପନ୍ନ ହେବ । ଏହି ଅବସରରେ ବିଭିନ୍ନ ବିଶ୍ବନେତାଙ୍କ ମଧ୍ୟରେ ରାଷ୍ଟ୍ରପତି ମୁର୍ମୁ ମଧ୍ୟ ଅନ୍ତ୍ୟେଷ୍ଟି କାର୍ଯ୍ୟକ୍ରମରେ ଯୋଗ ଦେବେ । ଏବଂ ଭାରତ ସରକାରଙ୍କ ପକ୍ଷରୁ ସମବେଦନା ଜଣାଇବେ । ଏନେଇ ରାଷ୍ଟ୍ରପତି ଭବନ ପକ୍ଷରୁ ଏକ ଟ୍ବିଟ୍‌ ଯୋଗେ ଏହା କୁହାଯାଇଛି । ୱେଷ୍ଟମିନିଷ୍ଟର ଏବିରେ ରାଣୀଙ୍କ ଅନ୍ତ୍ୟେଷ୍ଟି ସମ୍ପନ୍ନ ହେବ । ତେବେ ଗତ ସେପ୍ଟେମ୍ବର ୮ ତାରିଖରେ ୯୬ ବର୍ଷ ବୟସରେ ଏଲିଜାବେଥ ଦ୍ବିତୀୟଙ୍କର ପରଲୋକ ହୋଇଥିଲା ।