ଅନଲାଇନ ଟିକେଟ୍ ବୁକିଂ ସିଷ୍ଟମରେ ହେବ ପରିବର୍ତ୍ତନ…

ଅନଲାଇନ ଟିକେଟ୍ ବୁକିଂ ସିଷ୍ଟମରେ ଆସିବ ପରିବର୍ତ୍ତନ । ଆଇଆରସିଟିସିର ଅନଲାଇନ୍ ଯାତ୍ରୀ ଟିକେଟ୍ ବୁକିଂ ସିଷ୍ଟମକୁ ନବୀକରଣ ପାଇଁ କାର୍ଯ୍ୟ ହେଉଛି । ଯାହା ଦ୍ୱାରା ଯାତ୍ରୀମାନେ ଟିକେଟ୍ ବୁକିଂ ସୁବିଧା ସହିତ ଯାତ୍ରା କରିପାରିବେ । ଏହା ସହିତ ଯାତ୍ରୀମାନଙ୍କର ଚାହିଦା ମଧ୍ୟ ପୂରଣ ହୋଇପାରିବ । ଏନେଇ ମନ୍ତ୍ରାଳୟ ସୂଚନା ଦେଇ କହିଛି ଯେ ଭାରତୀୟ ରେଳବାଇର ଯାତ୍ରୀ ସଂରକ୍ଷଣ ବ୍ୟବସ୍ଥା ଉପରେ ରେଳବାଇ ଷ୍ଟାଣ୍ଡିଂ କମିଟିର ଅଷ୍ଟମ ରିପୋର୍ଟରେ ଥିବା ମନ୍ତବ୍ୟ କିମ୍ବା ସୁପାରିଶଗୁଡିକୁ ସରକାରଙ୍କ ଅନୁମତି ମିଳିଛି । ରେଳ ମନ୍ତ୍ରଣାଳୟ କହିଛି ଯେ ଟିକେଟ୍ ପ୍ରକ୍ରିୟାକୁ ଆଧୁନିକୀକରଣ କରିବା ପାଇଁ ସମୟ ସମୟରେ ଅନେକ ପଦକ୍ଷେପ ନେଇଛି । ଅନେକ ସମୟରେ ଯାତ୍ରୀମାନଙ୍କୁ ଅନଲାଇନ୍‌ରେ ଟିକେଟ୍ ପାଇବାରେ ଅସୁବିଧାର ସମ୍ମୁଖୀନ ହେବାକୁ ପଡେ । ଏଭଳି ପରିସ୍ଥିତିରେ ଏହାକୁ ଅଧିକ ସହଜ ଏବଂ ସୁବିଧାଜନକ କରିବା ପାଇଁ କାର୍ଯ୍ୟ ହେଉଛି ।