ରାଜ୍ୟଗୋଷ୍ଠୀ କ୍ରୀଡ଼ା ଟ୍ରାକ୍ ଆଣ୍ଡ ଫିଲ୍ଡ ଲଢ଼େଇରେ ଦୌଡରାଣୀ ଦୂତୀ

ଆଜିଠୁ ରାଜ୍ୟଗୋଷ୍ଠୀ କ୍ରୀଡ଼ାରେ ଟ୍ରାକ୍ ଆଣ୍ଡ ଫିଲ୍ଡ ଲଢ଼େଇ ଆରମ୍ଭ । ତେବେ ଏଥିରେ ଓଡ଼ିଶା ଝିଅ ଦୂତୀ ଚାନ୍ଦଙ୍କ ଆକ୍ସନ ଦେଖିବାକୁ ମିଳିବ । ଦୂତୀ ମହିଳା ୧୦୦ ମିଟର୍ ହିଟରେ ଦୌଡ଼ିବେ । ଦୂତୀ ପ୍ରଥମ ରାଉଣ୍ଡର ହିଟ୍-୫ରେ ଦୌଡ଼ିବେ । ଏହି ହିଟରେ ତାଙ୍କ ବ୍ୟତୀତ ଆଉ ୬ଜଣ ଧାବିକା ରହିଛନ୍ତି । ଦୂତୀ ତାଙ୍କ ହିଟରେ କମ୍ ସମୟରେ ୧୦୦ ମିଟର୍ ପୂରଣ କରି ପରବର୍ତ୍ତୀ ରାଉଣ୍ଡରେ ସ୍ଥାନ ହାସଲ କରିବାକୁ ଲକ୍ଷ୍ୟ ରଖିଛନ୍ତି । ରାଜ୍ୟଗୋଷ୍ଠୀ କ୍ରୀଡ଼ାରେ ଦୂତୀ କେବଳ ରିଲେ ଦୌଡ଼ ପାଇଁ ସ୍ଥାନ ପାଇଥିଲେ । କିନ୍ତୁ ଧନଲକ୍ଷ୍ମୀ ଆହତ କାରଣରୁ ୧୦୦ ମିଟରରୁ ଓହରିବା ପରେ ଦୂତୀଙ୍କୁ ସୁଯୋଗ ଦିଆଯାଇଛି । ଦୂତୀଙ୍କ ସହ ଓଡ଼ିଶାର ଶ୍ରାବଣୀ ନନ୍ଦ, ହିମା ଦାସ ଓ ଏନଏସ୍ ସିମି ରିଲେ ଦଳରେ ରହିଛନ୍ତି ।