୩୧ ମାର୍ଚ୍ଚରେ ଋଷିଙ୍କ ଶେଷ ଫିଲ୍ମ

ଦିବଂଗତ ଅଭିନେତା ଋଷି କପୁରଙ୍କ ପ୍ରଶଂସକଙ୍କ ପାଇଁ ଆସିଛି ଖୁସିର ଖବର । ତାଙ୍କର ଶେଷ ଫିଲ୍ମ ‘ଶର୍ମାଜୀ ନମକିନ୍‌’ର ଏକ୍ସକ୍ଲìସିଭ୍‌ ୱାଲïର୍ ପ୍ରିମିୟରର ଘୋଷଣା କରାଯାଇଛି । ଏହି ଫିଲ୍ମ ଆମାଜନ ପ୍ରାଇମରେ ୩୧ ମାର୍ଚ୍ଚରେ ପୁରା ଦୁନିଆରେ ମୁକ୍ତିଲାଭ କରିବ । ଆତ୍ମ ସମୀକ୍ଷା ଏବଂ ନିଜକୁ ସନ୍ଧାନ କରିବାର ଚମତ୍କାର କାହାଣୀରେ ଜଣେ ଅବସରପ୍ରାପ୍ତ ବ୍ୟକ୍ତିଙ୍କ ଜୀବନୀକୁ ଏଥିରେ ଦର୍ଶାଯାଇଛି । ଏହି ଫିଲ୍ମର ପ୍ରିମିୟର ୩୧ ମାର୍ଚ୍ଚକୁ ସମଗ୍ର ଦୁନିଆର ୨୪୦ଟି ଦେଶରେ ପ୍ରାଇମ ଭିଡିଓରେ ହେବ । ଏଥିରେ ଋଷି କପୁର, ପରେଶ ରାୱଲଙ୍କ ସମେତ ଜୁହି ଚାୱଲା, ସୁହୈଲ ନ୍ୟାୟର, ତାରୁକ ରୈନା, ସତୀଶ କୌଶିକ ଏବଂ ଈଶା ତଲୱାରଙ୍କ ପରି ପ୍ରତିଷ୍ଠିତ କଳାକାର ଅଭିନୟ କରିଛନ୍ତି । ତେବେ ପ୍ରଥମ ହିନ୍ଦୀ ଫିଲ୍ମ ଭାବେ ‘ଶର୍ମାଜୀ ନମକିନ୍‌’ରେ ପ୍ରଥମ ଥର ଋଷି କପୁର ଏବଂ ପରେଶ ରାୱଲ ଏକାଠି ଗୋଟିଏ ଚରିତ୍ରରେ ଅବତୀର୍ଣ୍ଣ ହୋଇଥିବା ନଜର ଆସିବେ । ଏହାକୁ ନିର୍ଦ୍ଦେଶନା ଦେଇଛନ୍ତି ହିତେଶ ଭାଟିଆ ।