ଚୀନ ରାସ୍ତାକୁ ଭାରତର ଆକ୍ରମଣ, ପୁଣି ବିବାଦ ତୀବ୍ର

ଭାରତ ଏବଂ ଚୀନ୍ ମଧ୍ୟରେ ମତଭେଦ ପରେ ଭାରତୀୟ ସେନା ୨୦୧୭ରେ ଡେମୋଚୋକରେ ନିର୍ମିତ ବିଆରଓ ର ରାସ୍ତାକୁ ନଷ୍ଟ କରିଦେଇଛି । ଏହି ଖବର ସେନା ସୂତ୍ର ମାଧ୍ୟମରେ ସାମ୍ନାକୁ ଆସିଛି । ଏଥି ସହିତ ଚୀନ୍ ମଧ୍ୟ ନୂତନ ରାସ୍ତା ନିର୍ମାଣ କାର୍ଯ୍ୟ ବନ୍ଦ କରି ଦେଇଛି । ଡେମଚୋକ୍ ଏବଂ ଡେପସଙ୍ଗରେ ୬ଟି ପଏଣ୍ଟ ଅଛି, କିନ୍ତୁ ବର୍ତ୍ତମାନ କେବଳ ଗୋଟିଏ ସ୍ଥାନରେ ପାଟ୍ରୋଲିଂ ଚାଲିଛି । ଅବଶିଷ୍ଟ ୫ ପଏଣ୍ଟରେ ପାଟ୍ରୋଲିଂ ପାଇଁ ଆଜି ଉଭୟ ପକ୍ଷରୁ ଏକ ବୈଠକ ଆରମ୍ଭ ହେବ ।

ଦୁଇ ଦେଶ ମଧ୍ୟରେ ହୋଇଥିବା ଚୁକ୍ତି ପରେ ନଭେମ୍ବର ୪ ଡେପସଙ୍ଗ ଏବଂ ଡେମଚାକରେ ସେନା ପ୍ରତ୍ୟାହାର ଏବଂ ପାଟ୍ରୋଲିଂ ଆରମ୍ଭ ହୋଇଥିଲା । ଭାରତୀୟ ସେନା ପ୍ରଥମ ଥର ପାଇଁ ଡେପସଙ୍ଗରେ ଥିବା ଏକ ପାଟ୍ରୋଲିଂ ପଏଣ୍ଟରେ ସଫଳତାର ସହ ପାଟ୍ରୋଲିଂ କରିଥିଲା । ଏହାପୂର୍ବରୁ ନଭେମ୍ବର ୧ରେ ସେନା ପ୍ରତ୍ୟାହାରର ପ୍ରଭାବ ଏବଂ ଡେମଚାକରେ ହୋଇଥିବା ଚୁକ୍ତି ଦୃଶ୍ୟମାନ ହେବାରେ ଲାଗିଛି । ଏହାପୂର୍ବରୁ ନଭେମ୍ବରରେ ଡେମଚାକରେ ସେନା ପ୍ରତ୍ୟାହାର ଏବଂ ପାଟ୍ରୋଲିଂ ଆରମ୍ଭ ହୋଇଥିଲା । ଏଥିସହିତ ଆଜି ପୁଣି ଡେପସାଙ୍ଗରେ ପାଟ୍ରୋଲିଂ ଆରମ୍ଭ ହୋଇଛି ।

ଏଥି ସହିତ ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ମାଓ ନିଙ୍ଗ କହିଛନ୍ତି ଯେ, ପୂର୍ବ ଲଦାଖରେ ସେନା ପ୍ରତ୍ୟାହାର ପର୍ଯ୍ୟାୟ ଜାରି ରହିଛି । ସେପଟେ ଭାରତୀୟ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୈସୱାଲ କହିଛନ୍ତି ଯେ, ନଭେମ୍ବର ୪ରେ ପୂର୍ବ ଲଦାଖରେ ପାଟ୍ରୋଲିଂ ଆରମ୍ଭ ହୋଇଥିଲା । ବୈଦେଶିକ ସଚିବ ବିକ୍ରମ ମିସ୍ତ୍ରୀ ଅକ୍ଟୋବର ୨୧ ରେ ଦିଲ୍ଲୀରେ କହିଥିଲେ ଯେ ଭାରତ-ଚୀନ୍ ଚୁକ୍ତିନାମାକୁ ଶେଷ ସ୍ପର୍ଶ ଦିଆଯାଇଛି। ଯେଉଁଥିପାଇଁ ୨୦୨୦ ରେ ଉପୁଜିଥିବା ସମସ୍ୟାର ସମାଧାନ ହେବ । ବିକ୍ରମ ମିସ୍ତ୍ରୀ କହିଛନ୍ତି ଯେ, ଚୁକ୍ତିନାମା ଅନୁଯାୟୀ ପୂର୍ବ ଲଦାଖରେ ଏଲଏସି ପାଟ୍ରୋଲିଂ କରିବା ଏବଂ ସୈନ୍ୟବାହିନୀକୁ ହଟାଇବା ପାଇଁ ସହମତି ପ୍ରକାଶ ପାଇଛି ।