ବାତ୍ୟାର ନାମ ଦାନା କାହିଁକି ?

ସମ୍ଭାବ୍ୟ ବାତ୍ୟା ‘ଦାନା’କୁ ନେଇ ଆରମ୍ଭ ହୋଇଯାଇଛି ଭିନ୍ନ ଭିନ୍ନ ଆକଳନ। ଭାରତୀୟ ପାଣିପାଗ ବିଭାଗ ଅନୁମାନ କରିଛି ଯେ ସମ୍ଭାବ୍ୟ ବାତ୍ୟା ୨୪ରୁ ୨୫ ତାରିଖ ଭିତରେ ଓଡ଼ିଶା ଉପକୂଳରେ ଲ୍ୟାଣ୍ଡଫଲ୍ କରିପାରେ।

ଯାହା ୨୩ ତାରିଖ ସକାଳୁ ସାମୁଦ୍ରିକ ଝଡ଼ ବା ବାତ୍ୟାର ରୂପ ନେବ। କ୍ରମଶଃ ଏହା ଉତ୍ତର-ପଶ୍ଚିମ ଦିଗରେ ଗତି କରି ୨୪ ତାରିଖ ସକାଳୁ ଉତ୍ତର ପଶ୍ଚିମ ବଙ୍ଗୋପସାଗରର ଓଡ଼ିଶା ଏବଂ ପଶ୍ଚିମବଙ୍ଗ ଉପକୂଳର ନିକଟତର ହେବ। ଅକ୍ଟୋବର ୨୪ ସକାଳ ସୁଦ୍ଧା ଏହାର ପ୍ରଭାବ ଦେଖାଯିବ। ଭାରତୀୟ ପାଣିପାଗ ବିଭାଗ (IMD) ସମ୍ଭାବ୍ୟ ଭୟଙ୍କର ପାଣିପାଗ ପରିସ୍ଥିତି ପାଇଁ ସତର୍କ ସୂଚନା ଜାରି କରିଛି। ତେବେ କାହିଁକି ଏଥର ବାତ୍ୟାର ନାମ ‘ଦାନା’ ରଖାଯାଇଛି। ଏହାର ଅର୍ଥ କଣ, କେଉଁଠାରୁ ଆସିଲା ଏହି ଶବ୍ଦ…

‘ଦାନା’ର ଅର୍ଥ- ସାଉଦି ଆରବ ଏହାର ନାମକରଣ କରିଛି ‘ଦାନା’। ଆରବୀୟ ଶବ୍ଦ ‘ଦାନା’ ହେଉଛି ଏକ ନାରୀ ସମ୍ବନ୍ଧୀୟ ନାମ ଯାହା ‘ପୂର୍ଣ୍ଣ ଆକାରର, ମୂଲ୍ୟବାନ ଏବଂ ସୁନ୍ଦର ମୋତି’ କୁ ବୁଝାଏ। ଏହି ନାମ ସାଧାରଣତଃ ପାରସୀ ଉପସାଗରର ଆରବ ରାଜ୍ୟମାନଙ୍କରେ ବ୍ୟବହୃତ ହୁଏ, ଯେଉଁଠାରେ ମୋତି ବୁଣିବା ଐତିହାସିକ ଭାବରେ ଏକ ଗୁରୁତ୍ୱପୂର୍ଣ୍ଣ ବୃତ୍ତି ଥିଲା।

ପାର୍ସୀ ଭାଷାରେ, ‘ଦାନା’ ଅର୍ଥ ‘ଦାନ’, ‘ଅନୁଦାନ’ ଏବଂ ‘ବେଷ୍ଟୋୱାଲ’ ପରି ଅର୍ଥ ପ୍ରଦାନ କରେ। ଝଡ଼ର ସହଜ ଚିହ୍ନଟକୁ ସୁଗମ କରିବା ଏବଂ ପାଣିପାଗ ସମ୍ବନ୍ଧୀୟ ବିପଦ ବିଷୟରେ ଜନସାଧାରଣଙ୍କ ସଚେତନତାକୁ ବଢାଇବା ଲକ୍ଷ୍ୟରେ ଟ୍ରପିକାଲ ସାଇକ୍ଲୋନନ ପାଇଁ ଏକ ଆନ୍ତର୍ଜାତୀୟ ନାମକରଣ ବ୍ୟବସ୍ଥାର ଏକ ଅଂଶ ଭାବରେ କାତାର ଏହା ପ୍ରସ୍ତାବ ଦେଇଥିଲା।

ବିଶ୍ୱ ପାଣିପାଗ ବିଭାଗ (WMO) ସମଗ୍ର ବିଶ୍ୱରେ ସାଇକ୍ଲୋନ୍ ନାମ ସ୍ଥିର କରିଥାଏ। WMOର ଏକ ଆନ୍ତର୍ଜାତୀୟ କମିଟି ସାଇକ୍ଲୋନ୍‌ର ନାମ ପରିଚାଳନା ଏବଂ ଅପଡେଟ୍ କରେ। ଭାରତ ସମେତ ୧୩ଟି ଦେଶ ଏସିଆ ପ୍ରଶାନ୍ତ ମହାସାଗରରେ ଘୂର୍ଣ୍ଣିବଳୟର ନାମ ସ୍ଥିର କରନ୍ତି। ଭାରତ ବ୍ୟତୀତ ଏହି ଦେଶଗୁଡ଼ିକରେ ଇରାନ, ମାଲଦ୍ୱୀପ, ଥାଇଲ୍ୟାଣ୍ଡ, ସଂଯୁକ୍ତ ଆରବ ଏମିରେଟ୍ସ, ମିଆଁମାର, ଓମାନ, ପାକିସ୍ଥାନ, କାତାର, ସାଉଦି ଆରବ, ଶ୍ରୀଲଙ୍କା ଏବଂ ୟେମେନ ଅନ୍ତର୍ଭୁକ୍ତ।