ନାଲିଟୋପାର ଆତଙ୍କ ହେଲା ଫୁସ୍, ନାଲିଟୋପାକୁ ନାଲି କରିଦେଲା ପୁଲିସ

ସୋସିଆଲ୍ ମିଡିଆରେ ଅଶ୍ଲୀଳ ଭାଷାରେ ଗାଳି କରି ଆତଙ୍କ ରଚୁଥିବା ନାଲିଟୋପାକୁ ଟେକିନେଲା ପୁଲିସ । ମଥାରେ ନାଲି ସିନ୍ଦୁରର ବଡ଼ ଟୋପା ଲଗାଇ ସୋସିଆଲ୍ ମିଡିଆ ୟୁଜର୍ମାନଙ୍କୁ ଅଶ୍ଲୀଳ ଭାଷାରେ ଗାଳି କରିବା ସହ ଆତଙ୍କ ଭରା ଧମକ ଦେଉଥିବା ଏହି ଯୁବକ ଜଣକ ନାଲିଟୋପା ନାଁରେ ପରିଚିତ । ନାଲିଟୋପାର ସମ୍ପୂର୍ଣ୍ଣ ନାମ ଶିବା ବାରିକ ଓ ଘର ବ୍ରହ୍ମଗିରି ବୋଲି ପୁଲିସ କହିଛି । ସେ ବଳଗଣ୍ଡିସ୍ଥିତ ଏକ ତେଜରାତି ଦୋକାନରେ କାମ କରୁଥିବା ଜଣାପଡ଼ିଛି ।

କିଛିଦିନ ଧରି ଲଗାତର ଭାବେ ସୋସିଆଲ୍ ମିଡିଆରେ ଆତଙ୍କଭରା ଧମକ ଦେଇ ଭିଡିଓ ପୋଷ୍ଟ କରୁଥିଲା ନାଲିଟୋପା । ଫେସବୁକ୍ ଓ ଇନଷ୍ଟାଗ୍ରାମ୍ ୟୁଜର୍ଙ୍କୁ ଟାର୍ଗେଟ୍ କରୁଥିଲା । ଏପରିକି ପ୍ରେମରେ ବିଫଳ ହୋଇଥିବା କହି ପ୍ରେମିକାକୁ ଖରାପ ଭାଷାରେ ଗାଳି କରୁଥିବାର ଭିଡିଓ ମଧ୍ୟ ସେୟାର୍ କରୁଥିଲା । ନିୟମିତ ଭାବେ ଶ୍ରୀମନ୍ଦିର ସମ୍ମୁଖରେ ଏବଂ ପୁରୀର ବିଭିନ୍ନ ସ୍ଥାନରେ ଭିଡିଓ ପ୍ରସ୍ତୁତ କରି ପୋଷ୍ଟ କରୁଥିଲା। ଏଭଳି ଭିଡିଓ ପୁରୀ ପ୍ରତି ଖରାପ ପ୍ରଭାବ ପକାଉଥିଲା ବୋଲି କହିଛନ୍ତି ଟାଉନ୍ ଥାନା ଆଇଆଇସି ସୁନୀଲ ପ୍ରଧାନ ।

https://www.facebook.com/share/r/PsLN17gDQ1PYWJ1K/?mibextid=YpDZO8

କିଛିଦିନ ତଳେ ବଳଗଣ୍ଡି ଗଣେଶ ମଣ୍ଡପରେ ବସି ଏକ ଭିଡିଓ ପ୍ରସ୍ତୁତ କରିବା ସହ ଏହାକୁ ପୋଷ୍ଟ କରିଥିଲା ନାଲିଟୋପା । ପୁଲିସ ଏହାକୁ ଯାଞ୍ଚ୍ କରିବା ପରେ ସେ ବଳଗଣ୍ଡି ଅଞ୍ଚଳରେ ରହୁଥିବା ଜାଣିବାକୁ ପାଇଥିଲା । ସୋମବାର ସନ୍ଧ୍ୟାରେ ବଳଗଣ୍ଡିରେ ଚଢ଼ଉ କରି ତାକୁ ଧରିଥିଲା କୁମ୍ଭାରପଡ଼ା ଥାନା ପୁଲିସ । ଥାନାକୁ ଉଠାଇ ନେଇ ପୁଲିସ ତାକୁ ପଚରାଉଚରା କରୁଛି । ଆଗକୁ ଏଭଳି ନକରିବା ପାଇଁ ଚେତାବନୀ ଦେବା ସହ ନୋଟିସ୍ ଦେଇ ତାକୁ ଛଡ଼ାଯିବ ବୋଲି ଜଣେ ଅଧିକାରୀ କହିଛନ୍ତି ।

https://www.facebook.com/share/r/PsLN17gDQ1PYWJ1K/?mibextid=YpDZO8