“ସିଧା ଗୁଳି ଚଳାଅ” : ପାକିସ୍ଥାନ ସେନାମୁଖ୍ୟଙ୍କ ଅଡିଓ ଭାଇରାଲ

ପାକିସ୍ତାନ ସେନା ମୁଖ୍ୟ ଜେନେରାଲ ଅସିମ୍ ମୁନୀରଙ୍କ ଏକ ଅଡିଓ ଏବେ ଭାଇରାଲ ହେବାରେ ଲାଗିଛି । ବନ୍ନୁ ଅଞ୍ଚଳରେ ସାଧାରଣ ଲୋକଙ୍କ ଉପରକୁ ଗୁଳି ଚାଳନା କରିବା ପାଇଁ ସେ ନିର୍ଦ୍ଦେଶ ଦେଇଥିବାର ଏକ ଅଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । କମାଣ୍ଡଙ୍କୁ ଏଭଳି ଗୁଳି ଚଳାଇବା ପାଇଁ ଅସିମ୍ କହିଥିବାର ଅଡିଓ ଭାଇରାଲ ହେବାପରେ ଏବେ ପାକିସ୍ତାନରେ ହଙ୍ଗାମା ଆରମ୍ଭ ହୋଇଛି । ତେବେ ବନ୍ନୁ ଅଞ୍ଚଳରେ ଗୁଳି ଚାଳନା ହୋଇଥିବାବେଳେ ୨୦ ଜଣଙ୍କ ମୃତ୍ୟୁ ହୋଇଛି ।

ପୂର୍ବ ସପ୍ତାହରେ ମଧ୍ୟ ଏହିପରି ଦୁଳିଚାଳନା କରାଯାଇଥିଲା ସେଥିରେ ୮ ଜଣ ପାକିସ୍ତାନୀ ସୈନୀକ ପ୍ରାଣ ହରାଇଥିଲେ । ବହୁ ଯବାନଙ୍କ ସହ ସ୍ଥାନୀୟ ଲୋକଙ୍କ ମଧ୍ୟ ମୃତ୍ୟୁ ହୋଇଥିଲା । ତେବେ ଏହାପରେ ସ୍ଥାନୀୟ ଲୋକେ ଶାନ୍ତି ପାଇଁ ଶୋଭାଯାତ୍ରା କରିଥିଲେ । ସେନା ପକ୍ଷରୁ ଲୋକଙ୍କ ଉପରକୁ ଗୁଳି ଚଳାଯାଇଥିବା କୁହାଯାଇଛି । ତେବେ ସେନା ପକ୍ଷରୁ କୁହାଯାଇଛି କି, ଅଘଟଣକୁ ଦୃଷ୍ଟିରେ ରଖି ସେମାନେ ଉପରକୁ ଫାଙ୍କା ଗୁଳି ଚାଳନା କରିଥିଲେ । ଆଉ ଏବେ ଅଡିଓ ଭାଇରାଲ ହେବା ପରେ ସେନା ମୁଖ୍ୟ ଅକଳରେ ପଡ଼ିଯାଇଛନ୍ତି । ପାକିସ୍ତାନୀ ଆର୍ମି ଜେନେରାଲ ଅସୀମଙ୍କ ଏହି ଅଡିଓ ଟେପ୍ ଲିକ୍ ହେବା ମାତ୍ରେ ପାକିସ୍ତାନ ସେନା ଏବଂ ଗୁପ୍ତଚର ଏଜେନ୍ସି ସମେତ ପାକିସ୍ତାନ ସରକାର ସକ୍ରିୟ ହୋଇଗଲେ।