ଉତ୍ତରପ୍ରଦେଶ ମନ୍ତ୍ରୀମଣ୍ଡଳ ସମ୍ପ୍ରସାରଣ

ଉତ୍ତରପ୍ରଦେଶ ମନ୍ତ୍ରୀମଣ୍ଡଳ ସମ୍ପ୍ରସାରଣ । ୟୁପିର ଯୋଗୀ ସରକାର ନିଜ ମନ୍ତ୍ରୀମଣ୍ଡଳର ସମ୍ପ୍ରସାରଣ କରିଛନ୍ତି । ଆଜି ୪ ଜଣ ନେତା ମନ୍ତ୍ରୀମଣ୍ଡଳରେ ସାମିଲ ହେଇଛନ୍ତି । ତେବେ ନୂଆ କରି ମନ୍ତ୍ରୀମଣ୍ଡଳରେ ସାମିଲ ହେଇଥିବା ୪ ଜଣ ନେତାଙ୍କ ମଧ୍ୟରୁ ଦୁଇ ଜଣ ନେତା ବିଜେପିର ହେଇଥିବାବେଳେ, ଅନ୍ୟ ଦୁଇ ଜଣ ନେତା ଯଥାକ୍ରମେ ଏସବିଏସପି ଏବଂ ଆରଏଲଡି ଦଳର । ସୁହେଲଦେବ ଭାରତୀୟ ସମାଜ ପାର୍ଟି (ଏସବିଏସପି) ଦଳର ପ୍ରମୁଖ ଓମ ପ୍ରକାଶ ରାଜଭର, ରାଷ୍ଟ୍ରୀୟ ଲୋକଦଳର ଅନୀଲ କୁମାର ଏବଂ ବିଜେପିର ଦୁଇ ନେତା ଦାରା ସିଂହ ଚୌହାନ ଏବଂ ସୁନୀଲ ଶର୍ମା ନୂଆ କରି ୟୁପି ମନ୍ତ୍ରୀମଣ୍ଡଳରେ ସାମିଲ ହେଇଛନ୍ତି । ରାଜଭବନରେ ରାଜ୍ୟପାଳ ଆନନ୍ଦୀବେନ୍ ପଟେଲ ୪ ନେତାଙ୍କୁ ମନ୍ତ୍ରୀପଦର ଶପଥ ପାଠ କରାଇଛନ୍ତି । ତେବେ ସୁନୀଲ ଶର୍ମା ୨୦୧୭ ମସିହା ଏବଂ ୨୦୨୨ ମସିହାରେ ଗାଜିଆବାଦର ସାହିବାବାଦ ସିଟରୁ ବିଜୟ ହାସଲ କରିଛନ୍ତି । ତେଣୁ ଯୋଗୀ ଏବେ ତାଙ୍କୁ ତାଙ୍କ ନୂଆ ମନ୍ତ୍ରୀମଣ୍ଡଳରେ ସାମିଲ କରିଛନ୍ତି ।