ଗାଜାରେ ଇସ୍ରାଏଲର ନରସଂହାର

ଚେତାବନୀ ପରେ ବି ଇସ୍ରାଏଲର ନରସଂହାର ଜାରି । ରକେଟ ମାଡ଼ ନକରିବା ପାଇଁ ଜାତିସଂଘ ଚେତବାନୀ ଦେଇ ଗାଜାରେ କେହି ସୁରକ୍ଷିତ ନୁହେଁ ବୋଲି କହିଥିଲା । ଏହାସତ୍ବେ ଦକ୍ଷିଣ ଗାଜାରେ ଇସ୍ରାଏଲର ଏୟାର ଷ୍ଟ୍ରାଇକରେ ଗୋଟିଏ ପରିବାରର ୭୬ ଜଣଙ୍କର ମୃତ୍ୟୁ ଘଟିଛି । ଇସ୍ରାଏଲ-ହମାସ ଯୁଦ୍ଧରେ ଗାଜା ସହରର ଏକ କୋଠା ଉପରେ ଶୁକ୍ରବାର ହୋଇଥିବା ଆକ୍ରମଣ ଥିଲା ଅତ୍ୟନ୍ତ ଭୟାନକ । ଇସାମ ଏବଂ ତାଙ୍କ ପରିବାର ସଦସ୍ୟଙ୍କ ମୃତ୍ୟୁ ହୋଇଛି । ଏହି ଯୁଦ୍ଧ ଶେଷ ହେବା ବେଳକୁ ଆଉ କିଛି ନଥିବ ବୋଲି ପାଲେଷ୍ଟାଇନ ସରକାର ହତାଶ ହୋଇ କହିଛନ୍ତି । ଅକ୍ଟୋବର ୭ରେ, ହମାସ ଆତଙ୍କବାଦୀଙ୍କ ଦ୍ୱାରା ଆକ୍ରମଣରେ ପ୍ରାୟ ୧୨୦୦ ଇସ୍ରାଏଲ ନାଗରିକଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ ୨୪୦ ଜଣଙ୍କୁ ବନ୍ଧକ ରଖିଥିଲେ ହମାସ ଆତଙ୍କବାଦୀ । ଏହାପରେ ଇସ୍ରାଏଲ ଯୁଦ୍ଧ ଘୋଷଣା କରିଥିଲା । ଯୁଦ୍ଧରେ ୨୦ ହଜାରରୁ ଅଧିକ ପାଲେଷ୍ଟାଇନବାସୀଙ୍କ ମୃତ୍ୟୁ ଘଟିଛି  । ୫୩ ହଜାରରୁ ଅଧିକ ଲୋକ ଆହତ ହୋଇଛନ୍ତି ।