ଓଡ଼ିଶାର ପୂର୍ବତନ ରାଜ୍ୟପାଳ M.M ରାଜେନ୍ଦ୍ରନ୍‌ଙ୍କ ପରଲୋକ

ଓଡ଼ିଶାର ପୂର୍ବତନ ରାଜ୍ୟପାଳ ଏମ୍‌. ଏମ୍‌. ରାଜେନ୍ଦ୍ରନଙ୍କର ଶନିବାର ଚେନ୍ନାଇ ଠାରେ ପରଲୋକ ହୋଇଯାଇଛି । ୧୯୯୯ ମସିହାର ଅଭୁତପୂର୍ବ ମହାବାତ୍ୟାର ପରେ ପରେ ଶ୍ରୀଯୁକ୍ତ ରାଜେନ୍ଦ୍ରନ୍  ଓଡିଶାର  ରାଜ୍ୟପାଳ ଭାବରେ କାର୍ଯ୍ୟଭାର ସମ୍ଭାଳିଥିଲେ । ରାଜ୍ୟ ସରକାରଙ୍କୁ ବିଶେଷ ଭାବେ ରିଲିଫ୍  ଓ ପୁନର୍ବାସ କାର୍ଯ୍ୟରେ  ସହାୟତା କରି ସେ ପ୍ରଶଂସିତ ହୋଇଥିଲେ । ଇଂରାଜୀରେ  ରଚିତ ତାଙ୍କ ଆତ୍ମଜୀବନୀ  ‘Service Uninterrupted’କୁ ଓଡିଆ ଭାଷାରେ  ଦେଖିବାର ତାଙ୍କର ଅଭୀପ୍ସା  ସତେ ଯେଭଳି  ତାଙ୍କୁ ବଂଚାଇ ରଖିଥିଲା ।  ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟ  ପକ୍ଷରୁ ତାଙ୍କର ଆତ୍ମଜୀବନୀ ଓଡ଼ିଆରେ ଅନୁବାଦ ଓ ପ୍ରକାଶନ କରାଯାଇଥିଲା । ଓଡ଼ିଆରେ ଅନୁବାଦିତ ତାଙ୍କର ଆତ୍ମଜୀବନୀ “ସେବା  ଅବ୍ୟାହତ” କୁ ସୋଆର ପ୍ରଫେସର  ନଚିକେତା ଖମାରୀ ଶର୍ମା ଅନୁବାଦ କରିଥିଲେ ।  ଏହି ପୁସ୍ତକକୁ ଗତ  ଜୁଲାଇ ୨୦ ତାରିଖରେ ବିଶ୍ୱବିଦ୍ୟାଳୟ ପରିସରରେ ଉନ୍ମୋଚନ କରାଯାଇଥିବାବେଳେ  ଅଗଷ୍ଟ ୨୦ ତାରିଖରେ ସେ ଭାରତର ରାଷ୍ଟ୍ରପତି ଙ୍କୁ ଔପଚାରିକ ଭାବେ ଭେଟି ଦେଇଥିଲେ ।