ବିଶ୍ୱକପ-୨୦୨୩ ସମାପ୍ତ ହେବା ପରେ ଏବେ ଆଇପିଏଲ-୨୦୨୪କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଯଦିଓ ଆଇପିଏଲ ନିଲାମ ପାଇଁ ତାରିଖ ଧାର୍ଯ୍ୟ ହୋଇନାହିଁ କିନ୍ତୁ ଏବେଠାରୁ ମେଣ୍ଟର ପରିବର୍ତ୍ତନ ସାଙ୍ଗକୁ ଡିସେମ୍ବରରେ ହେବାକୁ ଥିବା ନିଲାମ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ଏସବୁ ମଧ୍ୟରେ ଚର୍ଚ୍ଚା ହେଉଛି ଯେ ବିଶ୍ୱକପରେ ଉଲ୍ଲେଖନୀୟ ପ୍ରଦର୍ଶନ କରିଥିବା ୫ ଜଣ ଖେଳାଳିଙ୍କ ଉପରେ ଟଙ୍କା ବର୍ଷା ହୋଇପାରେ ।
୧. ଟ୍ରାଭିସ୍ ହେଡ୍: ବିଶ୍ୱକପ ୨୦୨୩ର ସେମିଫାଇନାଲ ଓ ଫାଇନାଲ ମ୍ୟାଚରେ ପ୍ଲେୟାର ଅଫ ଦି ମ୍ୟାଚ ରହିଥିବା ଅଷ୍ଟ୍ରେଲୀୟ ଖେଳାଳି ଟ୍ରାଭିସ୍ ହେଡଙ୍କ ଉପରେ ସମସ୍ତଙ୍କର ନଜର ରହିଛି ।
୨. ମିଚେଲ ଷ୍ଟାର୍କ: ଏହି ଅଷ୍ଟ୍ରେଲୀୟ ଦ୍ରୁତ ବୋଲର ମଧ୍ୟ ପୂର୍ବରୁ ଆଇପିଏଲ୍ ଖେଳିଛନ୍ତି । ଯଦି ଷ୍ଟାର୍କ ଆଇପିଏଲ୍ ନିଲାମ ପାଇଁ ପଞ୍ଜୀକୃତ ହୁଅନ୍ତି, ତେବେ ସେ ନିଶ୍ଚିତ ଭାବରେ ଏହି ସିଜିନରେ ସବୁଠାରୁ ଦାମୀ ଦ୍ରୁତ ବୋଲର ହୋଇପାରନ୍ତି ।
୩.ଦିଲଶାନ ମଦୁଶଙ୍କା: ଶ୍ରୀଲଙ୍କାର ଏହି ଦ୍ରୁତ ବୋଲର ବିଶ୍ୱକପ ୨୦୨୩ ର ୯ଟି ମ୍ୟାଚରେ ୨୧ଟି ୱିକେଟ୍ ନେଇଥିଲେ। ଏହି ବିଶ୍ୱକପ୍ରେ ସର୍ବାଧିକ ୱିକେଟ୍ ନେଇଥିବା ବୋଲରଙ୍କ ମଧ୍ୟରେ ସେ ତୃତୀୟ ସ୍ଥାନରେ ରହିଥିଲେ।
୪. ଆଜମତୁଲ୍ଲା ଓମାରଜାଇ: ଆଫଗାନିସ୍ତାନର ଏହି ଯୁବ ଅଲରାଉଣ୍ଡର ସମସ୍ତ ଟୁର୍ନାମେଣ୍ଟରେ ଉଲ୍ଲେଖନୀୟ ପ୍ରଦର୍ଶନ କରିଥିଲେ । ଏହି ଖେଳାଳି ଉଭୟ ବୋଲିଂ ଏବଂ ବ୍ୟାଟିଂ ବିଭାଗରେ ଏକ ମ୍ୟାଚ୍ ବିଜେତା ବୋଲି ପ୍ରମାଣିତ କରିଥିଲେ । ୯ଟି ମ୍ୟାଚ୍ ରେ ଏହି ଖେଳାଳି ୩୫୩ ରନ୍ ସଂଗ୍ରହ କରିଥିଲେ ଓ ୭ଟି ୱିକେଟ୍ ନେଇଥିଲେ।
୫. ରାଚିନ୍ ରବିନ୍ଦ୍ର: ନ୍ୟୁଜିଲ୍ୟାଣ୍ଡର ଏହି ଯୁବ ତାରକା ୨୦୨୩ ବିଶ୍ୱକପ୍ ରେ ଏକ ଆଲୋଡ଼ନ ସୃଷ୍ଟି କରିଥିଲେ | ୧୦ଟି ମ୍ୟାଚରେ ସେ ୫୭୮ ରନ୍ ସ୍କୋର କରିଥିଲେ। ବୋଲିଂରେ ମଧ୍ୟ ଏହି ଖେଳାଳି ୱିକେଟ୍ ନେବାରେ ପାରଦର୍ଶୀ ବୋଲି ପ୍ରମାଣିତ କରିଥିଲେ।
More Stories
ଇଂଲଁଣ୍ଡ-ଇଣ୍ଡିଆ ମୁହାଁମୁହିଁ
ରଣଜୀ ଟ୍ରଫି ଖେଳିବେ କୋହଲି
ଖେଳରତ୍ନର ବିଜେତା ହେଲେ ଗୁକେଶ୍, ମନୁ..