ଆଜିଠାରୁ ଆରମ୍ଭ ହେଉଛି ୩୭ତମ ଜାତୀୟ କ୍ରୀଡ଼ା

ଗୁରୁବାରଠାରୁ ଆରମ୍ଭ ହେଉଛି ୩୭ତମ ଜାତୀୟ କ୍ରୀଡ଼ା । ଜାତୀୟ କ୍ରୀଡ଼ାର ଏହି ମହାକୁମ୍ଭ ଗୋଆରେ ଅନୁଷ୍ଠିତ ହେଉଛି । ଜାତୀୟ କ୍ରୀଡାକୁ ଦେଶର ଅଲିମ୍ପିକ୍ ଭାବେ ମଧ୍ୟ ପରିଗଣିତ କରାଯାଉଛି । ଏଥିଲାଗ ସମସ୍ତ କ୍ରୀଡାବିତ ଜୋରଦାର ପ୍ରସ୍ତୁତ କରିଛନ୍ତି । ଦେଶର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଂଚଳରୁ କ୍ରୀଡ଼ାବିତ ଅଂଶଗ୍ରହଣ କରୁଛନ୍ତି । ଓଡ଼ିଶାରୁ ୩ଶହରୁ ଅଧିକ କ୍ରୀଡ଼ାବିତ ଅଂଶଗ୍ରହଣ କରୁଛନ୍ତି । ସେମାନଙ୍କ ମଧ୍ୟରେ ୧୮୦ ଜଣ ମହିଳା କ୍ରୀଡ଼ାବିତ ଅଛନ୍ତି । ରାଜ୍ୟର ଖେଳାଳି ଉନ୍ନତ ପ୍ରଦର୍ଶନ କରି ମେଡାଲ ଆଣିଲେ ରାଜ୍ୟ ସରକାର ଦେବେ ପୁରସ୍କାର । ସ୍ବର୍ଣ୍ଣ ମେଡାଲ ଜିତିଲେ ରାଜ୍ୟ ସରକାର ଦେବେ ୫ ଲକ୍ଷ ଟଙ୍କା ପୁରସ୍କାର । ରୌପ୍ୟ ପଦକ ପାଇଁ ୩ ଲକ୍ଷ ଏବଂ ବ୍ରୋ୍ଂଜ ପଦକ ପାଇଁ ୨ ଲକ୍ଷ ଟଙ୍କା ପୁରସ୍କାର ଘୋଷଣା କରିଛନ୍ତି । ଆସନ୍ତା ନଭେମ୍ବର ୯ ତାରିଖ ପର୍ଯ୍ୟନ୍ତ ଚାଲିବ ଜାତୀୟ କ୍ରୀଡ଼ା ମହାକୁମ୍ଭ । ଗୋଆର ୫ଟି ସହରରେ କ୍ରୀଡ଼ାର ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହେବ । ମାପୁସା, ମାର୍ଗାଓ, ପଂଜିମ, ପୋଣ୍ଡା ଏବଂ ଭାସ୍କୋ ସହରରେ ଅନୁଷ୍ଠିତ ହେବ କ୍ରୀଡ଼ା । ଗୋଆ ପ୍ରଥମଥର ଲାଗି ଜାତୀୟ କ୍ରୀଡ଼ା ଆୟୋଜନ କରୁଛି । ଏଥିରେ ୧୦ ହଜାରରୁ ଅଧିକ କ୍ରୀଡ଼ାବିତ ସାମିଲ ହେବା ସମ୍ଭାବନା ରହିଛି । ୪୩ଟି ବିଭିନ୍ନ ବର୍ଗରେ ଅଂଶଗ୍ରହଣ କରିବେ ଖେଳାଳି ।ତେବେ ଦିଲ୍ଲୀର ଇନ୍ଦିରା ଗାନ୍ଧି ଷ୍ଟାଡିୟମ କମ୍ପ୍ଲେକ୍ସରେ ହେବ ଜାତୀୟ କ୍ରୀଡାର ଗୋଲ୍ଫ ପ୍ରତିଯୋଗିତା ।ଏହା ପୂର୍ବରୁ ୨୦୧୬ରେ ୩୬ତମ ଜାତୀୟ କ୍ରୀଡା ଆୟୋଜନ ଲାଗି ଗୋଆକୁ ଚୟନ କରାଯାଇଥିଲା ।ତେବେ ବିଭିନ୍ନ କାରଣକୁ ନେଇ ଗତବର୍ଷ ୨୦୨୨ରେ ଏହି କ୍ରୀଡ଼ା ଗୁଜରାଟରେ ଅନୁଷ୍ଠିତ ହୋଇଥିଲା । ଗୋଆରେ ୩୭ତମ ଜାତୀୟ କ୍ରୀଡା ଅନୁଷ୍ଠିତ ହେଉଛି ।