ସ୍ବାଧୀନତା ଦିବସକୁ ଗୁଗୁଲ ଡୁଡୁଲର ନିଆରା ସମ୍ମାନ

ସ୍ବାଧୀନତା ଦିବସକୁ ଗୁଗୁଲ ଡୁଡୁଲର ନିଆରା ସମ୍ମାନ । ୭୭ତମ ସ୍ବାଧୀନତା ଦିବସରେ ଗୁଗୁଲ ଭାରତର ବିବିଧ ବୟନକୁ ଲୋଗୋରେ ସ୍ଥାନ ଦେଇଛି । ଦେଶର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ବୟନ ପରମ୍ପରାକୁ ଗୁଗୁଲ ଲୋଗୋରେ ସ୍ଥାନ ଦେଇ ଦେଶକୁ ସମ୍ମାନ ଦେଇଛି  । ଏହି ଲୋଗୋକୁ ନୂଆ ଦିଲ୍ଲୀର ଆର୍ଟିଷ୍ଟ ନମ୍ରତା କୁମାର କରିଛନ୍ତି  । ଭାରତର ବୟନ କଳାକୁ ଏକ ସନ୍ତୁଳିତ ଢଙ୍ଗରେ ସେ ଉପସ୍ଥାପିତ କରିଛନ୍ତି  । ବୟନ କଳା ଭାରତର ପରିଚୟ  । ଯାହାକୁ ନମ୍ରତା ଗୁଗୁଲ ଲୋଗୋରେ ସ୍ଥାନ ଦେବାକୁ ଉଚିତ ମନେ କରି ସ୍ବାଧୀନତା ଦିବସ ଲାଗି ଉତ୍ସର୍ଗ କରିଛନ୍ତି  । ଭାରତର ବଡ଼ ପର୍ବପର୍ବାଣୀରେ ଗୁଗୁଲ ଏପରି ଲୋଗୋରେ ପରିବର୍ତ୍ତନ କରି ଦେଶର ଉତ୍ସବରେ ନିଜକୁ ସାମିଲ କରିଥାଏ  ।