ପାସେଞ୍ଜର ଟ୍ରେନରେ ଗୁଳିମାଡ଼

ମହାରାଷ୍ଟ୍ରରେ ଚଳନ୍ତା ଟ୍ରେନରେ ଫୁଟିଲା ଗୁଳି । ଜୟପୁର-ମୁମ୍ବାଇ ପାସେଞ୍ଜର ଟ୍ରେନରେ ଗୁଳିମାଡ଼ରେ ୪ ଜଣଙ୍କ ମୃତ୍ୟୁ । ମୃତକଙ୍କ ମଧ୍ୟରେ ଜଣେ ଆରପିଏଫର ଏଏସଆଇ ଥିବା ବେଳେ, ଅନ୍ୟ ୩ ଜଣ ଯାତ୍ରୀ ଅଛନ୍ତି । ଜୟପୁର-ମୁମ୍ବାଇ ଟ୍ରେନ ଗୁଜରାଟରୁ ମୁମ୍ବାଇ ଆସୁଥିଲା । ଟ୍ରେନ୍ ପାଲଘର ଷ୍ଟେସନ ଅତିକ୍ରମ‌ କରିବା ପରେ ହଠାତ୍ ଆରପିଏଫର କନଷ୍ଟେବଳ ଚେତନ ଗୁଳି ଚଳାଇଥିଲେ । ପରେ ଦହିସର ଷ୍ଟେସନରେ ଟ୍ରେନରୁ ଡେଇଁ ପଡ଼ିଥିଲେ । ସମ୍ପୃକ୍ତ କନଷ୍ଟେବଳଙ୍କ ଠାରୁ ବନ୍ଧୁକ ଜବତ କରିବା ସହ ଅଟକ ରଖି ପଚରାଉଚରା କରୁଛି ଜିଆରପି । ସେପଟେ ଗୁଳିମାଡର କାରଣ ଅସ୍ପଷ୍ଟ ଥିବା ବେଳେ ପ୍ରତ୍ୟକ୍ଷଦର୍ଶୀଙ୍କ ବୟାନ ରେକର୍ଡ କରି ପୋଲିସ ତଦନ୍ତ ଚଳାଇଛି ।