ବିଶ୍ବ ଶୁଣିବ ଓଡ଼ିଶା ସମବାୟ ସଫଳତାର ଗାଥା

ଆଜି ବେଲଜିୟମରେ ଅନୁଷ୍ଠିତ ହେଉଛି ଅନ୍ତର୍ଜାତୀୟ ସମବାୟ ଶିଖର ସମ୍ମିଳନୀ । ବିଶ୍ବ ଶୁଣିବ ଓଡ଼ିଶା ସମବାୟ ସଫଳତାର ଗାଥା । ଏଥିରେ ଯୋଗଦେଉଛନ୍ତି ସମବାୟ ମନ୍ତ୍ରୀଙ୍କ ନେତୃତ୍ବରେ ଏକ ଉଚ୍ଚସ୍ତରୀୟ ଟିମ୍ । ନବୀନ ସରକାରରେ ସମବାୟ ସଂସ୍ଥା ଉପରେ ରହିଛି ଫୋକସ୍ । ରାଜ୍ୟର ସମସ୍ତ ୨୪୯୫ ପ୍ୟାକ୍ସ ଓ ୨୧୫ ଲ୍ୟାମ୍ପସକୁ କରାଯାଇଛି ଡିଜିଟାଇଜ୍ । ଭିତ୍ତିଭୂମି ପାଇଁ ପ୍ରତି ସମବାୟ ସମିତିକୁ ଦିଆଯାଉଛି ୨୫ଲକ୍ଷ ଟଙ୍କା । ଚାଷୀଙ୍କୁ ବିନା ସୁଧରେ ଋଣ ପରିମାଣ ୫୦ହଜାରରୁ ଲକ୍ଷେ ଟଙ୍କାକୁ ବୃଦ୍ଧି କରାଯାଇଛି । ୧୩ଶହ ନୂଆ ପ୍ୟାକ୍ସ ଗଢ଼ାଯାଇ ସମବାୟକୁ ଅଧିକ ଲୋକାଭିମୁଖୀ କରାଯାଉଛି । ଓଡ଼ିଶାରେ ସମବାୟର ଏହି ସଫଳତା କଥା ଅନ୍ତଜାର୍ତୀୟ ଫୋରମରେ ଉଠିବ । ସମବାୟ ବ୍ୟାଙ୍କ ସଶକ୍ତ ଓ ଶକ୍ତିଶାଳୀ ହେଲେ ଚାଷୀ ଓ ନିମ୍ନ ମଧ୍ୟବିତ୍ତ ପରିବାରଙ୍କ ଆର୍ଥିକ କାରବାର ସହଜ ହେବ । ଜାତୀୟକରଣ ବ୍ୟାଙ୍କ ଭଳି ସମବାୟ ବ୍ୟାଙ୍କ ଗ୍ରାହକଙ୍କୁ ସବୁ ପ୍ରକାର ସେବା ଯୋଗାଇପାରିବ ।