ଆଜି କୁରୁକ୍ଷେତ୍ରରେ ମହାପଞ୍ଚାୟତ

କୁସ୍ତିଯୋଦ୍ଧାଙ୍କୁ ନ୍ୟାୟ ପାଇଁ ଅଣ୍ଟା ଭିଡ଼ିଛି ଚାଷୀ ମହାସଂଘ । ଆଜି କୁରୁକ୍ଷେତ୍ରରେ ମହାପଞ୍ଚାୟତ ଡକାଯାଇଥିବା ବେଳେ ଆଗାମୀ ରଣନୀତି ସମ୍ପର୍କରେ ଘୋଷଣା କରାଯିବ । କୁରୁକ୍ଷେତ୍ରରେ ମହାମେଳିରେ ଖାପ୍ ଚୌଧୁରୀ ସମିତି ଗଠନ କରାଯିବ । ସମିତି ସଦସ୍ୟ ରାଷ୍ଟ୍ରପତି ଓ କେନ୍ଦ୍ର ସରକାରଙ୍କୁ ଭେଟି ଆଲୋଚନା କରିବା ସହ ପୀଡ଼ିତାଙ୍କୁ ନ୍ୟାୟ ଦେବାକୁ ଅପିଲ କରିବେ । ଦେଶବ୍ୟାପୀ ବିକ୍ଷୋଭ କରାଯିବା ସହ ପୁଣି ଥରେ ଦିଲ୍ଲୀ ବର୍ଡର ସିଲ୍ କରାଯିବା ଚେତାବନୀ ଦେଇଛନ୍ତି ଚାଷୀନେତା । ପୋକ୍ସୋ ଆକ୍ଟରେ ମାମଲା ରୁଜୁ ହେବା ମାତ୍ରେ ଅଭିଯୁକ୍ତକୁ ଗିରଫ କରିବାର ନିୟମ ରହିଛି । ହେଲେ ବ୍ରିଜଭୂଷଣଙ୍କୁ କାହିଁକି ଏଯାଏଁ ଗିରଫ କରାଯାଇନି ବୋଲି ପ୍ରଶ୍ନ ଉଠିଛି । ସେପଟେ କୁସ୍ତି ଯୋଦ୍ଧାଙ୍କ ଆନ୍ଦୋଳନକୁ ବଢୁଛି ସମର୍ଥନ । କଂଗ୍ରେସ କେନ୍ଦ୍ର ସରକାରଙ୍କୁ କଡ଼ା ନିନ୍ଦା କରୁଥିବାବେଳେ ସମର୍ଥନରେ ବାହାରିଛନ୍ତି ହରିଆଣା ବିଜେପି ଏମପି ବ୍ରିଜେନ୍ଦର ସିଂ ।