‘ଜେଡିଏସ୍‌’ ପାଇଁ ପ୍ରଚାର କରିବେ ମମତା ବାନାର୍ଜୀ

୨୦୨୩ କର୍ଣ୍ଣାଟକ ବିଧାନସଭା ନିର୍ବାଚନରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଜେଡିଏସ୍‌ ପାଇଁ ପ୍ରଚାର କରିବେ । ଏନେଇ ‘ଜେଡିଏସ୍‌’ ନେତା ତଥା କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏଚ୍‌.ଡି. କୁମାରସ୍ବାମୀ କହିଛନ୍ତି । ସୂଚନାଯୋଗ୍ୟ, କୋଲ୍‌କାତାର କାଳିଘାଟସ୍ଥିତ ବାସଭବନରେ କୁମାରସ୍ବାମୀ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିଥିଲେ । ଏ ସଂକ୍ରାନ୍ତରେ ଟୁଇଟ୍‌ କରି କୁମାରସ୍ବାମୀ ଲେଖିଛନ୍ତି: କୋଲ୍‌କାତାରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତ‌ା ବାନାର୍ଜୀଙ୍କୁ ଭେଟି ଆଲୋଚନା କଲି। ସେ ମୋତେ ଭବ୍ୟ ଆତିଥ୍ୟତା ପ୍ରଦାନ କରିଥିଲେ । ଆମେ ଆଗାମୀ କର୍ଣ୍ଣାଟକ ବିଧାନସଭା ନିର୍ବାଚନ, ‘ପଞ୍ଚ ରତ୍ନ ଯାତ୍ରା’ର ସଫଳତା ଓ ଜାତୀୟ ରାଜନୈତିକ ଘଟଣାବଳି ପ୍ରସଙ୍ଗରେ ଆଲୋଚନା କଲୁ । ଜାତୀୟ ନିର୍ବାଚନରେ ‘ଜେଡିଏସ୍‌’ ସହିତ ମିଶି କାମ କରିବା ବିଷୟରେ ସେ ଆଲୋଚନା କରିଛନ୍ତି। ସେ କହିଛନ୍ତି ଯେ, ‘ଜନତା ଦଳ ସିକ୍ୟୁଲାର୍‌’ ସପକ୍ଷରେ ପ୍ରଚାର କରିବା ଲାଗି ସେ କର୍ଣ୍ଣାଟକ ଗସ୍ତରେ ଆସିବେ।