ଦିଲ୍ଲୀରେ ତ୍ରିରଙ୍ଗା ପତାକା ବଦଳରେ ଖଲିସ୍ତାନୀ ପତାକା ଲଗାଇବାକୁ ଧମକ । ଖଲିସ୍ତାନୀ ସମର୍ଥକମାନେ ଦିଲ୍ଲୀର ପ୍ରଗତି ମଇଦାନରେ ଥିବା ଭାରତୀୟ ପତାକା ବଦଳରେ ଖଲିସ୍ତାନୀ ପତାକା ଲଗାଇବାକୁ ଧମକ ଦେଇଛନ୍ତି । ମୁମ୍ବାଇରୁ ଦିଲ୍ଲୀ ବିମାନ ବନ୍ଦରରେ ଅବତରଣ କରିବା ସମୟରେ ଜଣେ ବ୍ୟକ୍ତିଙ୍କ ଫୋନରେ ଏଭଳି ମେସେଜ ଆସିଥିବା ଅଭିଯୋଗକୁ ଭିତ୍ତି କରି ଦିଲ୍ଲୀ ପୋଲିସ ଏକ ମାମଲା ରୁଜୁ କରିଛି । ଦିଲ୍ଲୀ ପୁଲିସର ସ୍ପେଶାଲ ସେଲ୍ ୟୁନିଟ୍ ଏହି ମାମଲାର ତଦନ୍ତ ଅରମ୍ଭ କରିଛି । ଏହି ଅଡିଓରେ ଅଭିଯୁକ୍ତ ଖଲିସ୍ତାନୀ ସମର୍ଥକମାନେ ପ୍ରଗତି ମୈଦାନକୁ ନିଜ ଅକ୍ତିଆରକୁ ନେବା ସହ ଭାରତୀୟ ତ୍ରିରଙ୍ଗାକୁ ଉଚ୍ଛେଦ କରିବାକୁ ଧମକ ଦେଇଛନ୍ତି । ସେପ୍ଟେମ୍ବରରେ ପ୍ରଗତି ମୈଦାନରେ ଜି-୨୦ ବୈଠକ ଆୟୋଜନ ପାଇଁ କର୍ତ୍ତୃପକ୍ଷ ଯୁଦ୍ଧକାଳୀନ ଭିତ୍ତିରେ ପ୍ରସ୍ତୁତି ଚଳାଇଛନ୍ତି । ଅପରପକ୍ଷେ ଅମୃତପାଲ ସିଂ ଗିରଫଦାରୀରୁ ବର୍ତ୍ତି କେଉଁଆଡେ ପଳାଇଛନ୍ତି । ତା’ର ଅନେକ ସହଯୋଗୀଙ୍କୁ ପୁଲିସ ଗିରଫ କରି ପଚରାଉଚରା କରୁଥିଲେ ବି ଏବେଯାଏଁ ଅମୃତପାଲକୁ ଗିରଫ କରାଯାଇପାରିନାହିଁ ।
More Stories
ବାଂଲାଦେଶକୁ ବତ୍ୟା ଆଶଙ୍କା, ଓଡିଶାରୁ ଟଳିଲା ବିପଦ
ମିଥ୍ୟା ଦୁଷ୍କର୍ମ ଅଭିଯୋଗରେ ଯୁବକଙ୍କୁ ନ୍ୟାୟ, ଏବେ ଜେଲ ଯିବେ ମହିଳା
ରତନ ଟାଟଙ୍କ ପରେ କିଏ ସମ୍ଭାଳିବ ସାମ୍ରାଯ୍ୟ, ଚାଲିଛି ଖୁବ୍ ଚର୍ଚ୍ଚା