ଜୁନିୟର ଏନଟିଆର୍ ଙ୍କ ପରିବାରରେ ଶୋକ

ସାଉଥ୍ ଅଭିନେତା ଜୁନିୟର୍ ଏନଟିଆରଙ୍କ ପରିବାରରେ ଦୁଃଖର ଛାୟା । ତାଙ୍କ ସାନ ଭାଇ ଅଭିନେତା ତଥା ‘ତେଲୁଗ ଦେଶମ୍ ପାର୍ଟି’ର ନେତା ନନ୍ଦମୁରାଇ ତାରକା ରତ୍ନଙ୍କର ହୃଦଘାତରେ ଦେହାନ୍ତ ହୋଇଛି । ୩୯ ବର୍ଷ ବୟସରେ ତାଙ୍କର  ମୃତ୍ୟୁ ଘଟିଛି । ବେଙ୍ଗାଲୁରୁ ସ୍ଥିତ ‘’ନାରାୟଣ ହୃଦୟାଳୟ ହସ୍ପିଟାଲ୍‌’ରେ ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ନନ୍ଦମୁରାଇଙ୍କ ପରଲୋରେ ସମଗ୍ର ସାଉଥ୍ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି । ନନ୍ଦମୁରାଇ ୨୦୦୨ରେ ‘ଓକାତୋ ନମ୍ବର୍‌ କୁରାଡୁ’ ଚଳଚ୍ଚିତ୍ରରେ ସେ ପ୍ରଥମ ଥର ଡେବ୍ୟୁ କରିଥିଲେ । ଏହାପରେ ସେ ‘ୟୁବା ରତ୍ନ’, ‘ତାରକ’, ‘ଭାଦ୍ରାଦ୍ରି ରାମୁଡୁ’ ଏବଂ ‘ଅମରାବତୀ’ ଭଳି ଚଳଚ୍ଚିତ୍ରରେ ମଧ୍ୟ ଅଭିନୟ କରିଛନ୍ତି । ଏହାସହ ସେ ଜଣେ ଭଲ ରାଜନେତା । ଆସନ୍ତାବର୍ଷ ‘ଟିଡିପି’ ଟିକେଟ୍‌ରେ ବିଧାନସଭା ନିର୍ବାଚନ ଲଢ଼ିବାକୁ ସେ ଖୁବ୍‌ ଆଗ୍ରହୀ ମଧ୍ୟ ଥିଲେ ।