ବିଧାନସଭା ନିର୍ବାଚନ-୨୦୨୩

ତ୍ରିପୁରା, ମେଘାଳୟ ଓ ନାଗାଲାଣ୍ଡରେ ବିଧାନସଭା ନିର୍ବାଚନ ପାଖେଇ ଆସୁଛି । ଫେବ୍ରୁଆରି ୧୬ ତାରିଖରେ ତ୍ରିପୁରା ଏବଂ ୨୭ ତାରିଖରେ ମେଘାଳୟ ଓ ନାଗାଲାଣ୍ଡରେ ଭୋଟ୍‌ ଗ୍ରହଣ ହେବ। ମାର୍ଚ୍ଚ ୨ ତାରିଖରେ ଫଳାଫଳ ଆସିବ। ମୁଖ୍ୟ ନିର୍ବାଚନ କମିସନର ରାଜୀବ କୁମାର ଆଜି ଏହି ଘୋଷଣା କରିଛନ୍ତି। ନିର୍ବାଚନ ତାରିଖ ଘୋଷଣା ହେବା ସହ ସମସ୍ତ ୩ ରାଜ୍ୟରେ ନିର୍ବାଚନ ଆଚରଣ ବିଧି ଲାଗୁ ହୋଇଛି। ୩ ରାଜ୍ୟରେ ବିଧାନସଭା ନିର୍ବା‌ଚନ ସହ ଅରୁଣାଚଳ ପ୍ରଦେଶ, ଝାଡ଼ଖଣ୍ଡ, ପଶ୍ଚିମବଙ୍ଗ, ମହାରାଷ୍ଟ୍ର, ଲାକ୍ଷାଦ୍ବୀପ ଏବଂ ତାମିଲନାଡ଼ୁରେ ଫେବ୍ରୁଆରି ୨୭ରେ ଉପନିର୍ବାଚନ ଅଛି। ବିଧାନସଭା ନିର୍ବାଚନ ଫଳ ସହ ଉପନିର୍ବାଚନ ଫଳ ମଧ୍ୟ ମାର୍ଚ୍ଚ ୨ରେ ପ୍ରକାଶ ପାଇବ।