୯୦୭ ଜଣ ମାଓ ସମର୍ଥକଙ୍କ ଆତ୍ମସମର୍ପଣ

ସ୍ୱାଭିମାନ ଅଞ୍ଚଳରେ ଭୁଶୁଡୁଛି ଲାଲଗଡ । ମାଓ ସଂଗଠନରୁ ମୁହଁ ଫେରାଇ ନେଇ ମାଲକାନଗିରି ଏସପିଙ୍କ ଆଗରେ ଆତ୍ମସମର୍ପଣ କରିଛନ୍ତି ୯୦୭ ଜଣ ମାଓ ସମର୍ଥକ । ସେମାନଙ୍କ ମଧ୍ୟରେ ୪୬୭ ଜଣ ସକ୍ରିୟ ମିଲିସିଆ ଥିବା ଜଣାପଡିଛି । ସ୍ୱାଭିମାନ ଅଞ୍ଚଳର ଘନବେଡା ବିଏସଏଫ କ୍ୟାମ୍ପରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ମାଓସମର୍ଥକ ଆତ୍ମସମର୍ପଣ କରିଛନ୍ତି । ତେବେ ବିପୁଳ ସଂଖ୍ୟାରେ ମାଓବାଦୀଙ୍କ ଆତ୍ମସମର୍ପଣ କରିବା ମାଲକାନଗିରି ପୁଲିସ ପାଇଁ ବଡ ସଫଳତା ବୋଲି କୁହାଯାଉଛି । ମାଓସଂଗଠନ ଆଦର୍ଶରୁ ଦୁରେଇ ଯାଉଥିବାରୁ ସେମାନେ ସଂଗଠନ ଛାଡିଥିବା କହିଛନ୍ତି । ଆତ୍ମସମର୍ପଣ କରିଥିବା ଅନେକ ମିଲିସିଆ ଏକାଧିକ ହତ୍ୟା ମାମଲା ଓ ହିଂସାକାଣ୍ଡରେ ସଂପୃକ୍ତ ଥିବା ମାଲକାନଗିରି ଏସପି ସୂଚନା ଦେଇଛନ୍ତି ।