୮୧ ଲକ୍ଷରେ ବିକ୍ରି ହେଲା ଟ୍ବିଟର ପକ୍ଷୀ

‘ଟ୍ବିଟର୍‌’ର ପ୍ରସିଦ୍ଧ ‘ପକ୍ଷୀ’ ଲୋଗୋର ପ୍ରତିମୂର୍ତ୍ତିକୁ ୧ ଡଲାର୍‌ ବା ଭାରତୀୟ ମୁଦ୍ରାରେ ୮୧,୨୫,୦୦୦ ଟଙ୍କାରେ ବିକ୍ରୟ କରାଯାଇଥିବା କଥା ତଥ୍ୟ ସାମ୍ନାକୁ ଆସିଛି ।  ଏହି ‘ପକ୍ଷୀ’ ପ୍ରତିମୂର୍ତ୍ତିର କ୍ରେତାଙ୍କ ପରିଚୟ ଜଣାପଡ଼ିନାହିଁ। ସାନ୍‌ ଫ୍ରାନ୍‌ସିସ୍‌କୋ ସ୍ଥିତ କାର୍ଯ୍ୟାଳୟରୁ କିଛି ବଳକା ଅଫିସ ସାମଗ୍ରୀ ହଟାଇବା ନିମନ୍ତେ ‘ଟୁଇଟର୍‌’ ନିଲାମ ଡାକିଥି‌ଲା । ବିଭିନ୍ନ ସ୍ମରଣୀୟ ସାମଗ୍ରୀଠାରୁ ଆରମ୍ଭ କରି, ଇଲେକ୍ଟ୍ରୋନିକ୍‌ସ୍‌ ସାମଗ୍ରୀ, ଆସବାବ୍‌ପତ୍ର ଏବଂ କିଚେନ୍‌ ସପ୍ଲାଏ ଆଦି ୬୦୦ ସାମଗ୍ରୀ ସବୁକୁ ନିଲାମ ଡାକି ବିକ୍ରୟ କରାଯାଇଥିଲା । ନିଲାମ ପରିଚାଳନା କରିଥିବା ‘ହେରିଟିଜ୍‌ ଗ୍ଲୋବାଲ୍‌ ପାର୍ଟନର୍ସ’ କହିବା ଅନୁସାରେ, ପ୍ରାୟ ୪ ଫୁଟ୍‌ ଉଚ୍ଚର ‘ଟୁଇଟର୍‌ ପକ୍ଷୀ’କୁ ୧୦୦,୦୦୦ ଡଲାର୍‌ରେ ନିଲାମ ଧରାଯାଇଛି। କିନ୍ତୁ, ଏହାକୁ କେତେ ଟଙ୍କାରେ ନିଲାମ ଡକା ଯାଇଥିଲା ଓ ଏହାର କ୍ରେତା କିଏ, ସେକଥା କହିବାକୁ କମ୍ପାନି ମନା କରିଦେଇଛି।