୫୦୦ କୋଟି ଟଙ୍କାର ବଜେଟରେ ନିର୍ମାଣ ହେଉଛି ଫିଲ୍ମ ଆଦିପୁରୁଷ

ସାଉଥ୍‌ ର ସୁପରଷ୍ଟାର୍‌ ପ୍ରଭାସ ତାଙ୍କର ଆଗାମୀ ଚଳଚ୍ଚିତ୍ର ଆଦିପୁରୁଷ ପାଇଁ ଦୀର୍ଘ ସମୟ ଧରି ଖବରରେ ରହିଛନ୍ତି । ଏବେ ଖବର ଆସୁଛି ଯେ ପ୍ରଭାସଙ୍କ ଏହି ଫିଲ୍ମ ତାଙ୍କ ବାହୁବଲୀ ଫ୍ରାଞ୍ଚାଇଜଠାରୁ ଅଧିକ ବଜେଟରେ ପ୍ରସ୍ତୁତ ହେଉଛି । ଖବର ଅନୁଯାୟୀ, ନିର୍ମାତା ୫୦୦ କୋଟି ଟଙ୍କା ବଜେଟରେ ଆଦିପୁରୁଷ କରିବାକୁ ନିଷ୍ପତ୍ତି ନେଇଛନ୍ତି । ଆଦିପୁରୁଷ ଆଜି ପର୍ଯ୍ୟନ୍ତ ପ୍ରଭାସଙ୍କ କ୍ୟାରିୟରର ସବୁଠାରୁ ମହଙ୍ଗା ଚଳଚ୍ଚିତ୍ର ହେବାକୁ ଯାଉଛି ।

ଆଦିପୁରୁଷଙ୍କ ପୂର୍ବରୁ ପ୍ରଭାସଙ୍କ ବାହୁବଲୀ-୨ର ୨୫୦ କୋଟି ଟଙ୍କା ବଜେଟରେ ଏବଂ ବାହୁବଲୀ-୧ର ୧୮୦ କୋଟି ଟଙ୍କା ବଜେଟରେ ତିଆରି କରାଯାଇଥିଲା । ନିକଟରେ ଏକ ସାକ୍ଷାତକାରରେ ଫିଲ୍ମର ନିର୍ମାତା ଭୂଷଣ କୁମାର ମଧ୍ୟ ଫିଲ୍ମର ବଜେଟ୍‌ ସମ୍ପର୍କରେ ନିଶ୍ଚିତ କରିଛନ୍ତି । ବର୍ତ୍ତମାନ ଆଦିପୁରୁଷ ମଧ୍ୟ ଭାରତୀୟ ସିନେମାର ସବୁଠୁ ଦାମୀ ଚଳଚ୍ଚିତ୍ରରେ ପରିଣତ ହୋଇଛି । ଭୁଷଣ କହିଛନ୍ତି ଯେ ୫୦୦ କୋଟି ଟଙ୍କା ବଜେଟରେ ଆଦିପୁରୁଷ ନିର୍ମାଣ କରାଯାଉଛି । ଓମ୍‌ ରାଉତଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ହେଉଛି ରାମାୟଣର ଏକ ଆଡାପଟେସନ୍‌ ।

ଏହି ଚଳଚ୍ଚିତ୍ରରେ ପ୍ରଭାସପ୍ରଭୁ ଶ୍ରୀ ରାମ ରୂପେ ନଜର ଆସିବେ । ପ୍ରଭାସଙ୍କ ବ୍ୟତୀତ ଏହି ଚଳଚ୍ଚିତ୍ରରେ ସୈଫ ଅଲି ଖାନ, କ୍ରିତି ସାନନ ଏବଂ ସନ୍ନି ସିଂ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ମାତା ସୀତାଙ୍କ ଭୂମିକାରେ କ୍ରିତି ସାନନ୍‌ ନଜର ଆସିବେ । ନିର୍ମାତାମାନେ ଏହି ଚଳଚ୍ଚିତ୍ରକୁ ୧୨ ଜାନୁଆରୀ ୨୦୨୩ ରେ ବିଶ୍ୱର ୨୦ ହଜାରରୁ ଅଧିକ ପରଦାରେ ମୁକ୍ତିଲାଭ କରିବେ ।https://thetopmost.in/an-advance-technology-cycle-cant-be-theft/

https://thetopmost.in/scientists-report-on-stars-life-circle-secret/

https://thetopmost.in/%e0%ac%b7%e0%ad%8d%e0%ac%9f%e0%ac%bf%e0%ac%b2%e0%ad%8d-%e0%ac%ac%e0%ac%b0%e0%ad%8d%e0%ac%af%e0%ad%8d%e0%ad%9f-%e0%ac%aa%e0%ad%8d%e0%ac%b0%e0%ac%a1%e0%ac%95%e0%ac%9f%e0%ac%b0%e0%ad%87/