୪୭ ବର୍ଷ ପରେ ଋଷର ମୁନ୍ ମିଶନ୍ 

ଋଷ ନିଜର ମୁନ୍ ମିଶନ୍ ‘ଲୁନା-୨୫’ ସଫଳତାପୂର୍ବକ ଲଞ୍ଚ କରିଛି । ଏହି ମିଶନ ଭାରତର ଚନ୍ଦ୍ରଯାନ-୩ ପରେ ଉତକ୍ଷେପଣ କରାଯାଇଥିଲେ ବି ପ୍ରଥମେ ଯାଇ ଚନ୍ଦ୍ରରେ ପହଞ୍ଚିବ ବୋଲି ଋଷର ବୈଜ୍ଞାନିକଙ୍କ ପକ୍ଷରୁ କୁହାଯାଇଛି । । ପାଖାପାଖି ୪୭ ବର୍ଷ ପରେ ଋଷ ପୁଣି ଥରେ ଏହି ମୁନ୍ ମିଶନ୍ ଆରମ୍ଭ କରିଛି । ଗୁରୁବାର ରାତିରେ ରୁଷର ‘ସ୍ପେସ୍‌ପୋର୍ଟ’ରୁ ମଧ୍ୟମଧରଣର ‘ରୋବୋଟିକ୍‌ ଲ୍ୟାଣ୍ଡର୍‌’ ‘ଲୁନା-୨୫’କୁ ନେଇ ଗୋଟାଏ ରକେଟ୍‌ ପୃଥିବୀ ପରିକ୍ରମଣ ପାଇଁ ମହାକାଶକୁ ଯାତ୍ରା କରିଛି । ଏହା ଚନ୍ଦ୍ରର ସାଉଥ୍ ପୋଲାରରେ ଅବତରଣ କରିବାକୁ ଉଦ୍ୟମ କରିବ । ଚନ୍ଦ୍ରର ସେ ଭାଗରେ ଥିବା ‘ଜଳ ବରଫ’ ଅନେକ ମହାକାଶ କାର୍ଯ୍ୟକ୍ରମର ଧ୍ୟାନ ଆକର୍ଷଣ କରିଛି । ବୈଜ୍ଞାନିକମାନେ ବି ବର୍ଷ ବର୍ଷ ଧରି ତାହାକୁ ପର୍ଯ୍ୟବେକ୍ଷଣ କରିଆସୁଛନ୍ତି । ଭୋସ୍ତୋଚ୍ନି ଲଞ୍ଚପ୍ୟାଡ୍‌ରୁ ଲୁନା-୨୫କୁ ନେଇ ସୋୟୁଜ୍‌ ରକେଟ୍‌ ମହାକଶ ଯାତ୍ରା ଆରମ୍ଭ କରିଥିଲା। ରୁଷୀୟ ମହାକାଶ ଏଜେନ୍‌ସି ‘ରୋସ୍କୋମୋସ୍‌’ ସୂଚନା ଅନୁସାରେ, ଚନ୍ଦ୍ରରେ ପହଞ୍ଚିବା ପାଇଁ ଏହା ଅଗଷ୍ଟ ୧୬ ତାରିଖ ଦିନ ଚନ୍ଦ୍ରର କକ୍ଷପଥରେ ପ୍ରବେଶ କରିବ ଓ ଅଗଷ୍ଟ ୨୧ ତାରିଖରେ ଚନ୍ଦ୍ରପୃଷ୍ଠରେ ଅବତରଣ କରିବ। ତା’ପୂର୍ବରୁ ଚନ୍ଦ୍ରର ଦକ୍ଷିଣ ମେରୁରେ ଅବତରଣ ପାଇଁ ସଠିକ୍‌ ସ୍ଥାନ ଚୟନ କରିବା ଲାଗି ଏହା ୩ରୁ ୭ ଦିନ ସମୟ ନେବ।