The Topmost

“The eyes believe themselves, the ears believe other people.”

Hungarian Woman Cleaned The Beaches 200 Times @the topmost

୨୦୦ ଥର ସମୁଦ୍ରକୂଳ ସଫା

ଆଜିକାଲି ପ୍ରଦୂଷଣର ମାତ୍ରା ବଢିଚାଲିଛି । ଗାଁ ଆଖପାଖ ଠାରୁ ଆରମ୍ଭ କରି ସହର ସବୁସ୍ଥାନରେ ଆର୍ବଜନା ସଂଖ୍ୟା ଧୀରେଧୀରେ ବଢୁଛି । ଏଥିରୁ ସମୁଦ୍ରକୂଳ ମଧ୍ୟ ବାଦ ପଡିନି । ସମୁଦ୍ର କୂଳରେ ମଧ୍ୟ ବିଭିନ୍ନ ଆର୍ବଜନା ପଡଛି, ଯାହା ଏହାକୁ ପ୍ରଦୂଷିତ କରୁଛି । ତେବେ ବିଭିନ୍ନ ସମୟରେ ସ୍ଥାନୀୟ ଲୋକଙ୍କ ସହ ବିଭିନ୍ନ ଅନୁଷ୍ଠାନ ସମୁଦ୍ର କୂଳ ସଫାକରୁଥିବାର ନଜର ଆସିଥାଆନ୍ତି । ସେହିଭଳି ଏକ ପରିବାର ରହିଛନ୍ତି ମୁମ୍ବାଇରେ । ଏହି ପରିବାରଟି ମୁମ୍ବାଇରେ ୨୦୦ ଥର ସମୁଦ୍ରକୂଳ ସଫା କରିସାରିଲେଣି । ତେବେ ଏହି ପରିବାର ଏକ ଭିନ୍ନ ପରିବାର । ଏହି ସମୁଦ୍ର ସଫା ଅଭିଯାନର ମଙ୍ଗଧରିଛନ୍ତି ଜଣେ ବିଦେଶୀନି । ଜୁଜ୍‌ସନ୍ନା ଫେରାଓ ନାମକ ଏହି ମହିଳାଙ୍କ ଘର ହଙ୍ଗେରୀରେ । ସେ ଏଠିକାର ଜଣେ ବ୍ୟବସାୟୀଙ୍କୁ ବିବାହ କରିବା ପରେ ମୁମ୍ବାଇରେ ରହୁଛନ୍ତି । ସେ ତାଙ୍କ ସ୍ୱାମୀ ମିଶି ୨୦୧୭ରୁ ଏହି ଅଭିଯାନ ଆରମ୍ଭ କରିଛନ୍ତି । ଆଜି ଭିତରେ ପରିବାରଟି ପ୍ରାୟ ୨୦୦ ଥର ସମୁଦ୍ର କୂଳ ସଫା କରିସାରିଛନ୍ତି । ଥରେ ନିଜ ପରିବାର ସହିତ ସମୁଦ୍ର କୂଳରେ ଖେଳିବା ସମୟରେ ସେ ଅନେକ ଆର୍ବଜନା ଦେଖିବାକୁ ପାଇଥିଲେ । ଏହି ଆର୍ବଜନା କାରଣରୁ ତାଙ୍କ ପିଲାଙ୍କୁ ଖେଳିବାରେ ଅସୁବିଧା ମଧ୍ୟ ହୋଇଥିଲା । ଏହାପରେ ସେ ଏହି ଅଭିଯାନ ଆରମ୍ଭ କରିଥିଲେ । ସେ ସୋସିଆଲ ମିଡିଆରେ ନିଜ ଅଭିଯାନ ସମ୍ପର୍କରେ ସୂଚନା ଦେବାପରେ ଅନେକ ସେ୍ୱଚ୍ଛାସେବୀ ତାଙ୍କ ଅଭିଯାନରେ ଯୋଡି ହୋଇଥିଲେ । ଏହି ଅଭିଯାନ ସାହାଯ୍ୟରେ ସେ ଓ ତାଙ୍କ ଟିମ୍‌ ପ୍ରାୟ ୫୦୦ ଟନ୍‌ର ଆର୍ବଜନା ସମୁଦ୍ର କୂଳରୁ ସଫା କରିଛନ୍ତି । ଆର୍ବଜନା ସଫା କରିବା ପରେ ରିସାଇକେଲ୍‌ ଆବର୍ଜନାକୁ ସ୍ଥାନୀୟ ଆର୍ବଜନା ଗୋଟାଳିଙ୍କୁ ଦିଆଯାଉଥିବା ବେଳେ ଅନ୍ୟ ଆବର୍ଜନାକୁ ବିଏମ୍‌ସି ନେଇଯାଇଥାଏ । କରୋନା କାରଣରୁ ଏହି ଅଭିଯାନରେ ବାଧା ଉପୁଜିଥିବାରୁ ଆଗକୁ ଏହାକୁ ଯୋରଦାର କରାଯିବ ବୋଲି ସେ ମତ ଦେଇଛନ୍ତି ।

SHARE BY