ହମାସକୁ ନିପାତ କରିବାକୁ ଇସ୍ରାଏଲ ବ୍ୟବହାର କରୁଛି AI

ଯୁଦ୍ଧକୁ ଓହ୍ଲାଇଲା ଆର୍ଟିଫିସିଆଲ ଇଣ୍ଟେଲିଜେନସ ବା AI । ଚିନ୍ତା କରିପାରୁଛନ୍ତି  ଯୁଦ୍ଧରେ AIର ବ୍ୟବହାର ରଚୁଥିବ କେତେ ବଡ଼ ଧ୍ବଂସଲିଳା । ଜାଣିଲେ ଆଶ୍ଚର୍ଯ୍ୟ ହେବେ ଗାଜା ଯୁଦ୍ଧରେ AIର ଏଣ୍ଟ୍ରି ହୋଇ ସାରିଛି । ଇସ୍ରାଏଲ AI ବ୍ୟବହାର କରି ହମାସ ଆତଙ୍କବାଦୀଙ୍କୁ ନିପାତ କରୁଛି । ମିଳିଥିବା ସୂଚନା ଅନୁସାରେ, ହମାସର ଟାର୍ଗେଟଗୁଡିକୁ ଠାବ କରିବା ଲାଗି ଇସ୍ରାଏଲ AIର ବ୍ୟବହାର କରୁଛି । ଗାଜାସ୍ଥିତ ହମାସର ବିଭିନ୍ନ ଗୋପନସ୍ଥଳୀକୁ AI ଜରିଆରେ ଠାବ କରି ସେଠାରେ ଆକ୍ରମଣ କରାଯାଉଛି । ରିମୋଟ ଓ ଅଟୋନମସ ସିଷ୍ଟମ ବ୍ୟବହାର କରି ଏହି ଆକ୍ରମଣ କରାଯାଉଛି । ଯୁଦ୍ଧରେ AIର ବ୍ୟବହାର ଯୋଗୁଁ ଆଇଡିଏଫ ନିଜର ସୈନ୍ୟଙ୍କ ସୁରକ୍ଷା କରିପାରିବା ସହ ନିଜ ସୈନ୍ୟବାହିନୀର ମନୋବଳ ମଧ୍ୟ ବଢାଉଛି । ତେବେ ଯୁଦ୍ଧରେ AIର ବ୍ୟବହାରକୁ ନେଇ ବିଭିନ୍ନ ମହଲରେ ପ୍ରଶ୍ନ ଉଠିଛି । ଗୁଇନ୍ଦା, ସର୍ଭେଲାନ୍ସ ଓ ସାମରିକ ସର୍ଭେକ୍ଷଣ କ୍ଷେତ୍ରରେ AIର ବ୍ୟବହାର ଯୋଗୁଁ ଉଦବେପ ପ୍ରକାଶ ପାଇଛି । ବଡକଥା ହେଉଛି ବିଭିନ୍ନ ଗୋପନ ସ୍ଥଳକୁ ଟାର୍ଗେଟ କରିବା କ୍ଷେତ୍ରରେ ସୈନ୍ୟଙ୍କ ଆବଶ୍ୟକ ପଡୁନାହିଁ । AI ଜରିଆରେ ଆକ୍ରମଣ ସମ୍ଭବ ହେଉଛି । ଯୁଦ୍ଧରେ AIର ବ୍ୟବହାର ବିବାଦ ସୃଷ୍ଟି କରିବ ବୋଲି ଆଶଙ୍କା ପ୍ରକାଶ ପାଇଛି ।