‘ସ୍ବିଗି’ରେ ଛଟେଇ ଆରମ୍ଭ

ବିଶ୍ବର ଆର୍ଥିକ ମାନ୍ଦାବସ୍ଥା କାରଣରୁ ଏବେ ସବୁ କମ୍ପାନୀରେ ଚାଲିଛି ଛଟେଇ । ଏହି ଲିଷ୍ଟରେ ସାମିଲ ହୋଇଛି ସ୍ବିଗି କମ୍ପାନୀ । ୩୮୦ଜଣ କର୍ମଚାରୀଙ୍କୁ ଛଟେଇ କରାଯାଇଥିବା କଥା ‘ସ୍ବିଗି’ ଘୋଷଣା କରିଛି । ଶହ ଶହ କର୍ମଚାରୀଙ୍କ ଛଟେଇ କରିବା ନିମନ୍ତେ ‘ସ୍ବିଗି’ର ଯୋଜନା ବିଷୟରେ ମଧ୍ୟ ପ୍ରଭାବିତ କର୍ମଚାରୀମାନଙ୍କୁ ଇ-ମେଲ୍‌ ଜରିଆରେ ଅବଗତ କରାଇ ଦିଆଯାଇଛି । ଛଟେଇ ନିମନ୍ତେ ବିଭିନ୍ନ କାରଣ ଦର୍ଶାଇ ଖାଦ୍ୟ ଡେଲିଭରି କମ୍ପାନି ‘ସ୍ବିଗି’ର ‘ସିଇଓ’ ଶ୍ରୀହର୍ଷ ମାଜେଷ୍ଟି ଗ୍ରହଣ କରାଯାଇଥିବା ନିଷ୍ପତ୍ତି ନିମନ୍ତେ କ୍ଷମାପ୍ରାର୍ଥନା ମଧ୍ୟ କରିଛନ୍ତି । ସେ କହିଛନ୍ତି, କମ୍ପାନିର ପୁନର୍ବିନ୍ୟାସ କରିବାକୁ ଯାଇ ଆମେ ଆମ ଟିମ୍‌ର ଆକାର ଛୋଟେଇବା ଭଳି କଠିନ ନିଷ୍ପତ୍ତି ଲାଗୁ କରିଛୁ ।