ସୋରେନଙ୍କ ପରେ ଏବେ ବଢ଼ିଲାଣି ଚିନ୍ତା

ଜମି ଦୁର୍ନୀତି ମାମଲାରେ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ ଗିରଫ ହେବା ପରେ ରାଜେନୖତିକ ମହଲରେ ଆରମ୍ଭ ହୋଇଛି ଚର୍ଚ୍ଚା । ଇଡି ରାଧାରରେ ଥିବା ନେତାଙ୍କ ମଧ୍ୟରେ ଚିନ୍ତା ଆରମ୍ଭ ହୋଇଥିବାବେଳେ ଏଥର କାହା ପାଳି ପଡ଼ିବ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ପଞ୍ଚମଥର ପାଇଁ ଇଡିର ନୋଟିସ ହୋଇଥିବାବେଳେ ସେ ପୂର୍ବରୁ ୪ଥର ମଧ୍ୟ ହାଜର ହୋଇନଥିଲେ । ଏଣୁ ପଞ୍ଚମଥର ହାଜର ହେବାକୁ ନୋଟିସ କରାଯାଉଛି । ଏଣୁ ସେ ମଧ୍ୟ ଗିରଫ ହୋଇପାରନ୍ତି ବୋଲି ଚର୍ଚ୍ଚା ଆରମ୍ଭ ହୋଇଛି । ହେମନ୍ତ ସୋରେନଙ୍କୁ ଇଡି ୧୦ଥର ନୋଟିସ କରିଥିଲା । ସେପଟେ କେଜ୍ରିଓ୍ବାଲ ହେମନ୍ତ ସୋରେନଙ୍କ ଭଳି ଦେଶର ଏଭଳି ଆଉ ୩ଜଣ ମୁଖ୍ୟମନ୍ତ୍ରୀ ମଧ୍ୟ ଚିନ୍ତାରେ ରହିଥିବା ଚର୍ଚ୍ଚାହୁଏ । ତେଲେଙ୍ଗାନାର ନୂଆ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡି, କେରଳର ମୁଖ୍ୟମନ୍ତ୍ରୀ ପି.ବିଜୟ ଏବଂ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡିଙ୍କ ପାଇଁ ଅଡୁଆ ବଢ଼ିପାରେ । କେବଳ ଏହି ମୁଖ୍ୟମନ୍ତ୍ରୀମାନେ ନୁହେଁ, କେନ୍ଦ୍ର ସରକାରଙ୍କ ବିରୋଧରେ ସ୍ବର ଉଠାଉଥିବା ବହୁ ନେତାଙ୍କୁ ମଧ୍ୟ ଇଡି ବିଭିନ୍ନ ମାମଲାରେ ନୋଟିସ କରିଛି । ଏମାନଙ୍କ ମଧ୍ୟରେ ରହିଛନ୍ତି ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ, ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଭୂପେନ୍ଦ୍ର ସିଂ ହୁଡା,ଏନସିପି ନେତା ଶରଦ ପାଓ୍ବାର ଏବଂ ବିଏସପି ନେତ୍ରୀ ମାୟାବତୀ । ଏମାନଙ୍କୁ କିଛି ସମୟ ଧରି ଇଡି ମଧ୍ୟ ପଚରା ଉଚରା କରିଛି । ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ମଧ୍ୟ ଖଣି ଦୁର୍ନିତୀ ମାମଲାରେ ଇଡି ସ୍କାନରରେ ରହିଛନ୍ତି ।