The Topmost

“The eyes believe themselves, the ears believe other people.”

ସିକ୍କିମର ନାଥୁଲା ସୀମା ପାର୍ଶ୍ବବର୍ତ୍ତୀ ଅଞ୍ଚଳରେ ହିମସ୍ଖଳନ

ସିକ୍କିମର ନାଥୁଲା ସୀମା ପାର୍ଶ୍ବବର୍ତ୍ତୀ ଅଞ୍ଚଳରେ ହିମସ୍ଖଳନ । ଘଟଣାରେ ୬ ପର୍ଯ୍ୟଟକଙ୍କର ମୃତ୍ୟୁ ହୋଇଥିବା ବେଳେ ପାଖାପାଖି ୧୫୦ ଜଣ ପର୍ଯ୍ୟଟକ ଫସି ରହିଥିବା ଆଶଙ୍କା କରାଯାଉଛି । ବର୍ଡର ରୋଡସ୍ ଅର୍ଗାନାଇଜେସନ୍ ଅନୁସାରେ ୧୪ ଜବାହରଲାଲ ନେହେରୁ ରୋଡ୍ ନିକଟରେ ହୋଇଛି । ଯାହା ଗାଙ୍ଗଟକରୁ ନାଥୁଲା ପାସକୁ ସଂଯୋଗ କରିଥାଏ । ଏପର୍ଯ୍ୟନ୍ତ ୨୨ ପର୍ଯ୍ୟଟକଙ୍କୁ ଉଦ୍ଧାର କରାଯାଇଥିବା ବେଳେ ସେମାନଙ୍କୁ ଚିକିତ୍ସା ପାଇଁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଅପରପକ୍ଷେ ବରଫ ତଳେ ଫସି ରହିଥିବା ଜଣେ ମହିଳାଙ୍କୁ ପ୍ରାୟ ଦେଢ ଘଣ୍ଟା ପରେ ଉଦ୍ଧାର କରାଯାଇଥିଲା । ତେବେ ରାସ୍ତାରୁ ବରଫ ସଫା କରିବା ପରେ ୮୦ଟି ଗାଡ଼ି ସହ ଫସି ରହିଥିବା ୩୫୦ରୁ ଉର୍ଦ୍ଧ୍ୱ ପର୍ଯ୍ୟଟକଙ୍କୁ ଉଦ୍ଧାର କରାଯାଇଥିଲା ।